復活

關於倫敦，有一件事一個地方我常常想念 - 周末的Columbia Road Flower Market, 但最想念的不是那些花，而是陽光滿滿的便宜小

古董店，和重點  - 坐在街邊地上聽人音樂演奏。
1st July 2012 - 「橙樹、橄欖樹、薰衣草，什麼都想帶回家。東倫敦，有好喝的咖啡，古怪的壁畫，迷人的餐廳名，還有很多穿衣很美的人們走過。

街角有一對表演者，是拉低音大提琴(噢！)的Johnny Depp 和他爸爸。自製舞台還有花朵點綴，型。

太陽和雨點都搶着來聽，街角坐滿小孩子，偶然起舞、人們拿着一棵棵剛買的樹，托在膞頭上注足觀看。跟羅醫生在這街角的地上歡樂滿了一個早上。

然後，身後淺藍色的木門突然打開。竟然是一個賣酒的地方，內有天窗花園，卻是由一群十分積極，但不夠十歲的小孩主理開放式廚房！

回到劍橋，寧靜後街大大棵的花樹下，有戲劇性的歐洲國家盃和深海蘋果批。」

咁，話說，上年見山的大榕樹下都有一次好勁的 音樂演奏，是月蝕下的海島小輪，整個小院子都是月亮彎彎的影子。
這個復活節周末他們也會復活 ，在見山演奏，但今次更勁，還加上烏鴉大提琴樂隊！

連續三天都有不同活動，也有三修女市集. 

黃竹

現在正在畫黃竹坑地圖。 
我好鍾意南區嘅故事㗎，南區嘅地圖之前畫過薄扶林、赤柱、舂坎角同埋香港仔，同埋由堅尼地城係差唔多可以沿海行到赤柱，經過三個泳棚，天光墟，瀑布小徑，和好多魚的海灣，好開心的。

看黃竹坑街坊嘅兒時回憶，好多人小時候都會去那個大泳池，又會偷偷入去。
你有看過以前未起香港仔隧道時，臨入隧道那片地全是農地的舊相嗎？其實也不是很久之前。
還有黃竹坑以前真的是一條坑/河，全部都係船，滿晒。
1966 年的航空照可以看到黃竹坑工業區未填海前塞滿船仔艇仔。

Steph 和Sheren 早前已經在黃竹坑做了oral history 的workshop, 啲街坊嘅故事都好sweet 好有趣。

「盛德以前既老闆係出面做小販，後尾攞左呢個位做食堂。
以前都係多士，咖啡奶茶。一逢早餐，午餐時間就好多工廠既人落黎食飯。
我地啲價錢都係偏平，工廠價，因為啲工人一日三餐，早餐，中午，下午茶都係度食，我地都儘量平啲比佢地。

我係黃竹坑邨長大，我企做大排檔，細個都要幫手。細個係屋邨入面推車仔檔，主要做朝早小朋友放學個段時間，做到七八點賣曬啲野就收檔，賣魚蛋，豬舌，我呀媽就賣椰汁，糯米飯，兩檔打對面。

我地周圍推，有時呀公會推去泳池，啲小朋友游完水就會黎買，有時會去四座街市個邊。阿公屋企大啲，會開曬啲野係屋企預備。其實大部分檔仔都係街坊自己開返，我地樓上樓下都有幾檔。隔離有啲炒腸粉，炒麵，啲檔主而家都好大年紀。成條街好多野食，真係可以唔洗食飯都得。新年仲犀利，成條街都係檔，有啲賣衫，有啲賣二手野，自己整小食。

以前啲鄰舍關係好好，大家都打開門，有時煮左啲咩又會攞埋去隔離分比其他人食。細個會係走廊踩單車，周圍玩。

以前有印刷，廢紙，運輸，好熱鬧。九十年代啲廠開始北移。

而家住華富邨，都係南區。行過識唔識都會照打招呼，慣左。南區住既人好少會走，搬左出去都總係會走返返黎，幾代都係咁，可能覺得南區純樸啲，無咁複雜。

放學個個呀媽企係門口同其他師奶傾計，講到夠鐘煮飯都仲講緊，一係就成煲湯攞埋去隔離，一係就係門口燒野食，條走廊好大，成班細路一路食一路踩單車，打羽毛球，唔會有人捉，真係好開心。而家食堂有時都會撞返啲舊街坊，不過好多都上左年紀，我呢個年紀就少。」

大嶼

 🐂 六個雪櫃四個胃🍦

我最喜歡嘅bookazine Being Hong Kong 春季號剛出了。 今期係關於大嶼山的，內容十分之豐富，製作亦都係如常咁瘋狂。

裹面有我畫嘅大嶼山水牛同埋海豚嘅故事㗎。 好想好想同大家分享水牛同埋海豚嘅故事，但紙本真係要拎住睇先得，聞到紙嘅香，摸到每頁紙嘅唔同。 我畫同寫嘅兩個都係真人真牛真豚嘅故事。

但因為都有啲長，你要自己買來看啊, 見山、誠品，bleak house ah, 所有你認識嘅書店，包括某啲便利店都有㗎。

仲有好多有趣嘅collaborators, 相，舊地圖，畫，歷史等等。

因為我係Being Hong Kong 嘅小fans, 雖然尋日啲書一由印刷廠送到，就立刻上咗佢哋office, 但因為太興奮同緊張，到依家都未(敢) 認真睇 (小fans 就會這樣子的） 會太緊張同太感動。

今日我都會帶埋本春季號雜誌去 船到橋頭生活節 / 芝麻灣㗎，嚟搵我都得 : )

問心

因為疫症嘅關係我已經好耐無做過呢個talk 喇... 

跟據official statistics 我同veronica 呢個二人education department 以前每年會做70個animal welfare education talk 左右，會到大中小學什至幼稚園，也會去corporate 等等，veron 的兩隻柴柴和Rosie 都是很好的ambassador. 

總係發現無論講幾多，都仲係有好多好多人會去買動物，好心痛。

其實選擇領養is not that hard... 

同埋真係make a big difference to 那些受苦的貓狗，那些一生被困在籠裹被用作繁殖的動物們，I get it if you haven't seen or touched them
以為「繁殖場生活環境唔會咁差嘅」etc. 都可以原諒，但至少嘗試認識吓先也沒有壞。

也有人是因為居住地方不能養動物所以不選擇領養，只能買；但事實亦真係見過好多人，最後因為呢啲原因而棄養動物。

Came across 好多舊相，有好多經過大劫，後來很幸福的，也有很多不幸離開了我們的。

被maggots 咬到pat pat 都是洞洞的小狗

腳骨都斷了但最後還是找到家的狗狗

不計回報，每天在中心當值的義工們，有時也要搬幾十個籠上山 ，把那些可憐被繁殖場遺棄的貓貓搬落山。有些貓貓眼睛都紅得快掉出來了。

在LAP 的幾年真的見過很多不同的東西，大家都不是為錢而做義工（所有人都是義工）
事實上對我來說，我在LAP 的position 對我也好大壓力, 但呢個issue 當然是very dear to my  heart, anyway, 希望在能力, 心力和時間的範圍內，還會繼續做我們可以做到的事。
On animal rescue, and also on many other issues, 希望我們都不會麻木，不會close our hearts from understanding/believing. 

但願 Kindness is really always in season. 

春天

Almond Blossoms
把一些東區文學地圖和荃灣的木棉地圖放了在見山，希望想要嘅人都會攞到啦，兩個地圖都是充滿當區的故事的。 

明明昨天還陽光普照，今天又凍又大霧還下毛毛雨。但見到很久沒見的LPC 同學，可能因為不是常見喇，感覺好像回到中學時！

她買了香港仔的畫，因為她以前住鴨脷洲，剛巧我們幾個LPC/UWC 朋友都住鴨脷洲，大家都說是Hidden Gem, 有山有海有海鮮又方便，大街仲有好多舊舖，真係好正。 

最重要是還有艇仔粉 :P 就是一架在艇仔上煮粉的船家，現在只剩下幾家。

當以前香港仔還有很多水上人時還有賣粥的船，醫生船、雪糕船等等㗎。

早上跟Yv 做運動，要再做多啲運動先得喇。
我常常說自己是天生的morning person，她說像我這樣是超罕有的, unless 經歷過軍訓，她有朋友就是那樣子。

oh my god, 傾吓傾吓講起其實我自小就寄宿, especially 是我個年代的寄宿，超有規律，女生宿舍有百幾條rule（聽說男生宿舍只有十點rules 左右）

早上七點半要執好晒床換好整齊校服站在床邊讓當值prefect＋teacher warden 來巡房, 晚上有兩個prep time, 不能寫信織頸巾或者傾計，也不能離開你張枱，去厠所要先問過prefect, 打電話要排隊；六點半要準時出現在飯堂食晚飯, 晚上十點要睡覺。

Ok, 想起這事，可能我也是受過軍訓而不是天生morning person hahaha. 

LPC 的寄宿就完全是另一回事喇，三點不睡也沒有人罵，那兩年也許是我睡得最少的。
不過說真的，睡夠了, 早睡了的我總是開心很多，就算今天天陰陰還是很開心。

“綠色木箱入面好似仲有叉燒同紅腸,賣粥兼賣燒味/油炸鬼, 牛脷酥, 咸粘餅” “呢個阿叔係賣叉燒麵或河粉, 好好味, 細個都有食, 依家食唔度呢種味” “係賣艇粉呀, 仲有一隻專賣粉紅色雪糕架, 另一隻大d的嘩啦咁啦就賣日用品食物架, 仲有淡水艇賣淡水俾d住家艇入水桶架 我細個時去阿嫲隻船時成日睇住有無雪糕艇經過, 要阿爸買雪糕俾我食架” 住在南區這麼久還未試過從叉燒粉麵艇買東西吃，以前常聽同學說，一直很想試。尤其是這麼冷的晚上，在海邊吃出煙的美食一定很完美。

杏花

今日經山路由中環行返屋企時諗起, 近日有人問我用開邊隻護膚品，我答佢自細都無用, 無用cream, 也無用洗面膏，也無用化粧品....

他問我是不是嚟自南區邊個山洞... 
明明用清水就很好嘛。不是做運動、早睡、飲食均衡、多喝水才是對皮膚最好嗎？我以前有很嚴重的psoriasis, 自從有年triathlon + 戒掉糖/gluten/lactose/酒+ 日日運動 就無晒，也不是因為想皮膚好而戒，但一直keep 到依家，都沒有再復發了。
也沒有特別講起，每個人都不同喇。加上呢啲山洞式嘅呢種生活，大部份人都會覺得花幾千蚊買護膚品好過, just saying~ 

春天山中的樹木很漂亮，有特別青綠的新衣。
花朵顏色也鮮豔，無論是勒杜鵑的fuchsia(!!), 黃風鈴木的鮮黃定係木棉樹的鮮紅，都係咁假... 又會咁嘅.... 
那天在書店碰上一本梵高的書，封面跟我當天穿的衣服的顏色一樣，都係baby pink, 但我已經有很多van gogh 的書了，他超喜歡形容顏色的，畫以外，他的信也是很好讀，裹面還有好多sketch 添。是我, wtp 和kat 的最愛。

有一天我家外的海跟他的畫顏色幾乎一樣。

藝想

剛跟日本絵本と木の実の美術館和聖雅各藝想開會，緊張仔呀，雖然兩個都係教我好多好多嘢嘅loving 前輩同埋屋企人咁嘅collaborators, 但真係傾咗好耐好耐都一直未傾得成呢個海外部份（是上兩年電車站project 的part two) 

超多謝大家唔知嚟自邊度嘅信心同堅持。
藝想之前兩年都不斷創造奇跡；這次亦想不到田島老師最後會say yes！
希望一切順利啦！

藝想主要為智障及自閉譜系障礙人士提供創作平台，透過藝術尋找及分享夢想，並以陶藝及纖維藝術為媒介連繫社區內不同能力的人士。 早於1999年已經成立了，所以有些師傳仔已經做了很多年泥。兩年前也去了越後妻有做大展覽。

絵本と木の実の美術館位於深山中，晚上沒有街燈，只有二百多人、冬天雪會封住房子一樓的地方，但一定是越後妻有大地藝術祭中的一夥小明星。田島先生在這些年間創作過無數繪本，也翻譯成不同語言，他的故事和畫風都很特別的，個人就更加啦。我總覺得沒有他們一直以來的inspiration 和愛，也許今天我也不會成為一個全職做繪本的人。

今早起床突然發現一個平日好少留意嘅reading好差好差, I know I have said this many time, that "it has never been this bad" but I didn't lie, 因為真係不斷都係低處未算低，但無論我自己定我身邊嘅人(yes, it makes a huge difference unfortunately) 都已經好努力, 所以我都只係經常一不小心會少少嬲，點解努力同結果唔成正比。

嬲都無用，唯有做返啲令自己開心嘅事，或者係"the right things" 例如係stick to routine, exercise, 去了sandy bay swim shed, 有四個人游水中，那裹current 好勁，真係唔太適合游水，但水是無論如何都令我開心的，而夏天來臨前的水特別清，一路上都是花香滿溢，音樂很好聽，就算是樹木的綠都是絕美的。昨晚也有乖乖做了運動。

木框

很久沒有寫Junior Patient Diary
現在寫日記變得很困難，難得有點讓我想哭出來, of course it's just a matter of adjustment. 
近日偶然讀到某個作家說自己不是找東西寫 ，而是compulsively 要寫東西，我不是什麼大作家，文筆也沒有怎樣，但一直都有這種很strong 的compulsion, 要每天把東西寫出來才能疏理情緒。由小學二年級就開始寫日記，一直到現在。
於是前晚就把一星期發生過的事，做過的事，遇過的人，寫了出來一遍。
沒有寫出來之前，生活好像特別紊亂而且被負面情緒dominate, 但寫過出來之後，除了good things可以 live twice, 也發現很多細節中的好事情，好回憶也會給得特別深刻。
家欣竟然提起「常想一二」很久沒聽過這個說法。

下午陽光回來了，心情立刻好了幾十倍，是真的，然後一不小心開始了看書，就讀了很久很久，笑了很多，把很多書帶了回家。 
晚上也做了運動，實在太好了。 
行了這段路多於一次，都碰到同一隻貓貓，這裏晚上特別美麗。

近日雖然很開心，但沒有游水很久，以往我們天天早上，風雨不改都會游水，但現在泳池都未開，open water還有少少太凍。這一年的種種改變對身體的影響太大。
也讓我想起一句網上見過的quote "My illness isn't really invisible. If you look closely enough, you can see how it has changed my life." but what i meant was more 這一年的改變所帶來的影響是totally visible 的。
Sometimes so exhausting, 差點諗住放棄 :'( 

Arthur & 另一個connie 買了這幅大畫，終於frame 好喇！她於未搬屋前就留了這個位置想我幫他們畫這幅京都的畫。很抱歉花了這麼多時間才畫好frame 好。
另外，也重印了一幅很久以前畫的Pound Lane, 印在canvas 和厚木框框的，不太大，正在想有沒有人想要買。
也有印在canvas 的swim club Deep Water Bay（木框在背後）木框是自己在家鋸木做的啊！

我想post 這幅相俾大家睇吓佢哋兩個要嘅final product 係咁大張！: ) 

木桌

今天添了一張新木桌，本來還以為我們自己可以去搬，結果要專業人士來又拆又裝。
但新木桌很美，差別真大，畫畫一流，吃漢堡包作晚餐。
本以為今天畫畫，但結果就只有我畫畫。
Ryann 同學也半途來參與，帶了麻雀來，掛在綠色風褸上。
晚一點他要工作，一個人在街上畫畫總會有好多人來談天，遇見另一個之前也見過的鄰居，她也來畫，談起感情煩惱，聽來頗怪可憐的，希望她快點脫過那可憐的事。
今天是大館藝術書展最後一天，很熱鬧。
昨天也有幫手。
是sharon 的ad hoc 邀請，做書展的店長很不容易呢。
那大館的房間有木地板木門和大露台，但卻沒有冷氣沒有燈，也夠神怪的。誰想過可以這樣。
正在畫跑馬地地圖，要早點睇才可以啊。