Friday, December 30, 2022

動物

今日一日之內帶咗兩個小朋友workshop! 上晝係社區探索的地圖工作坊,下午係今年喺好多唔同地方做咗好多場嘅Carnival of the Animals! 

其實地圖工作坊今年暑假都做過幾次,要跟小朋友出去公園和海旁探索,這次是請她們想像自己為不同動物,例如小狗、小鳥、恐龍等等,要想想來到香港這個鬧市這麼嘈吵又這麼多人會是什麼感覺。也要想想那種動物是用什麼感觀觀察和體驗世界。

動物會看紅綠燈嗎?

出去之前跟他們分享了一本繪本。
我問他們想花多點時間在室內畫畫還是出去玩,他們都答想留在內,因為很累。
幸好一出去,大家都醒了,有一組同學跑過不停。

我實在沒有prompt 他們太多,但小朋友就是創意無限。要裝小狗看世界的一組想到小狗最靈敏的是鼻。小朋友不停用鼻子聞周遭的環境 - 樹葉、牆、連垃圾筒和磚頭都聞起來。
有一組小朋友是以企鵝眼光看世界,他們自己就想到企鵝要的是cold surface. 

也有小朋友是直接扮那動物的,整個過程就在扮馬叫,又反肚... 
也有小朋友是即席躺在水池邊寫故事。

有些小朋友已經不是第一次見,臨離開前問我記不記得她,又給了我大擁抱,還送了我半塊石頭,真可愛(做真的學校老師就有這種開心吧)

還有,這個寧靜的尖咀海旁,唔知遲啲仲會唔會係咁呢?

下午是我們 的Carnival of the Animals! 跟Auramusic 一起的,之前在深水埗、龍虎山自然環境教育中心啦、YMCA、太平山街、kadey jadey 書店等等很多地方做過,這次來到文化中心的後台,so appropriate, 因為整個活動就是想小朋友和大人都能重新思考music education(學樂器不是為考級)

這次也許是最多參加者的一次。
也是in conjunction with 一月的音樂表演。

上半部請小朋友聽音樂估動物,下半部份就是請小朋友畫animal portraits ,每次的arts and crafts 都唔同,今次大家畫嘅都充滿驚喜,咁就最好喇,因為唔想大家只係抄我畫嘅。

完了後坐小輪回港島,並跟kamie adhoc 行山,想起為什麼我們年初會做這個活動,其實都係有次我跟kilian 行山傾開話做,就開始做喇,好神奇呢。

Sunday, December 25, 2022

卓卓

呢啲就係愛🥲😭😭😭❤️

聖誕樹下嘅每份禮物 >.< 及每個專程來探我們的朋友!!

雖然我哋未必有好多時間傾計,但我都記得每個有來支持我們的朋友!還帶來巧克力,自己做的繪本,寫滿字的咭!!! 寫滿字的咭要講多次... 

有時我會收到好多好貴重好靚嘅禮物,但今年好多親手造的,親手寫的;親身來的人,都是最珍貴的禮物。

今天還有特發地上讀書會!!!基本上是班真草粉團。
係Justin 同學讀《獅子山下的黃大獅》但我miss 咗。

佢哋話佢哋係 特 登 上 山 找 她。

我也是特登開多一日檔見那些只能今天來的朋友。
其實你可能唔係特登嚟搵我,係見個市集咁靚,所以嚟,但我都依然計埋入嗰條數 >.< 

sooooo touched 

樓上養貓嘅婆婆真係好好精神,佢話佢隻貓成日出親去都dam 隻老鼠返嚟。有次佢座大廈裝修搭咗棚,佢隻貓走失咗六日,我哋問佢隻貓去咗邊。佢答「溝女囉」

隻貓係六歲,叫卓卓。

婆婆係1935 年出 世。

但仲可以行山,仲咁好中氣

呢一個星期去咗兩日西貢,擺咗兩日市集,去咗荃灣同埋做咗map workshop
上星期都去咗西貢海, 教咗繪本班, 去咗九龍塘開會,擺咗兩日市集。

聖誕

有個住書店樓上的婆婆,我稱她為太平山街婆婆,成日都咁元気。上星期我哋講起貓,佢就拎佢部電話出嚟,介紹佢隻貓,係隻麻花tabby 唐貓,佢講起隻貓時笑到見牙唔見眼。諗起之前有年市集,佢拎啲橙俾我食;又會問貴善同阿浩有無食飽,有無食飯。
昨天她見到顫抖的小草,專程行返上屋企攞嘢食俾佢,仲唔知喺邊度搵到碗水嚟。好勁!

然後昨天收到郁鍵謙嫂的禮物,係好一段時間無食過的,超多料郁鍵芙蓉蛋pizza, 真心好好好味,依家仲回味緊,覺得好幸運好難忘呀,有謙嫂送嘅禮物!!

又收到一籃嘢Ryann 的雙面紅白爪魚,笑死,超可愛;同埋繪本班同學的書!!超開心!上星期都有,我就快可以將同學仔做嘅書擺滿一格櫃。近嚟先同人提起呢本書,故事係關於一個好鍾意講「生舊叉燒好過生你」嘅媽媽。

仲有同中學師妹相認。買咗好多嘢,佢返咗屋企,然後專程返轉頭, 為咗飲mulled wine, 美女女醫生街坊來的。但我們昨天mulled wine 部人手不足!!

昨天小草粉團又有好多新團友,有人堅持要做她的粉團團長,大家都抱了她很久。
還有很多很多專程來的朋友,很開心見到每一位!!!! 
也有放工專程飛的過來的鄰里小隊。

旁邊的店主都在爭相試穿beelydaily 漂亮的手造衣服,昨天超多衣服,顏色美麗得很!!
帶了LIFFEE 無麩質無糖蛋糕去跟大家分享,也大獲好評!

正在想今天是否去多一天 :P 
跟大家一起玩、在山中跑跑跳跳都是十分之愉快的時光。

Saturday, December 24, 2022

大使

 有西貢海藝術節大使嘅daddy 係開船來碼頭來接佢放工囉,幾型好sweet 先!!

昨天一早就去到尖沙嘴跟小朋友做地圖工作坊,本來對於下晝去唔去西貢海都十分之十五十六,但類似係盛情難卻,就跟人想咗旺角小巴。笑。
諗起有張圖話一堆小朋友排隊去見Santa Claus, 人人都有聖誕願望,只有一個大人哭住跟聖誕老人說"I don't even knwo what I want"

昨天是J 的攝影工作坊,是行晒橋咀島整條trail, 睇晒我同藝想「大菠蘿遊」嘅十件ceramics! 我趁機也講咗好多
- 聖雅各藝想係乜嘢
- 師傅仔係點樣/佢哋嘅小故事
- 做這些陶泥的過程
- 點解要做戶外的藝術節等等
有兩個年輕美女話嗰朝部住電腦旁報名的。這次藝術節共有280 多團導賞和幾十次這種特別活動,都是免費的,聽說滿得好快。

但其實我想寫呢個post, 講下其實你係唔需要join 呢啲events/guided tour, 隨時都可以去,今日話去就去都得,因為9 件昨品,分佈在兩個島,都在戶外,不用入場費,只要從西貢碼頭買張船飛(來回四十元)就可以去。

每年作品旁都有大使跟大家講解 : )

所以喺好chur 嘅星期我還是去了西貢行山。
我以為自己係會放假,同埋一邊行一邊諗吓我欠其他人嘅好多work,但end up 就好落力講解。我諗我實在太唔清楚自己。

另外,我發現去咁多西貢還是好鍾意去,海還是很美,層層疊疊的山,還是很美。
我就很喜歡在山上跑跑跳跳。

橋咀島的大使妹妹還討抱抱。

怎麼這麼sweet. 有抱抱的日子真好。

今天我會在見山書店擺多一日市集,希望見到大家。也會有其他好正嘅檔攤。
想親親大自然的也可以去西貢海藝術節。

現在先要去游水。

Wednesday, December 21, 2022

為食

我今年年頭咪搬咗屋嘅,上一間屋係向住海邊公園。那裡住着十二隻已絕育的貓貓。好乾淨、肥嘟嘟,但就怕人啲。
(我要重寫上一個post) 

我一直好鍾意呢個公園,因為係私人的,啲人可以做其他公園唔做得嘅嘢。

例如每天都好多人爬樹,喺covid 嘅日子,望住公園給我好多心靈慰藉,因為其他地方唔做得嘅嘢,呢度就好似一個喘息空間,小朋友會圍圈做運動。

有好多小朋友踏單車,好多人picnic, 狗狗奔跑,放風箏、仲會有小朋友擺地攤,賣自己整嘅嘢fundraise for animal charity.

covid 嘅時候我日日都post 樓下小朋友圍圈做運動嘅風景。

外邊咩都禁晒,但個公園就越來越多人picnic

當然都唔係完美啦。

餵貓有時都要偷偷摸摸有壓力,就算大家好乾淨,但依然有人會鬧,覺得你惹老鼠等。

這個公園冬天草就會枯萎,但夏天就長到被人拆訴。

不過公園最遠處那邊本來是個竹林,現在要建一座無人想要的辦公室,我們少了點樹木,少了點竹林和草地。剛巧那時我就要搬屋,我係好thankful,我不過係搬去另一座,但我somehow 覺得好唔想望到呢件事,雖然依家仲會成日經過,見到好多好多吊臂?我都覺得好唔想見到。

呢件事都幾奇怪,我慣咗「訓練」自己就算唔鍾意嘅嘢都要直視,就算我哋能力微小都可以做出一點改變的...

------------------------------------------------------

然後昨天發生了這件事,其中一隻樓下的貓貓被車撞死了。

我屋企樓下個海邊公園,所有貓都已經做了絕育,亦都算比較遠離馬路的一個cat colony.

但公園有一部份現在正建新樓(所有鄰居都反對)

有個地盤,所以貓嘅位置又少咗。

(諗起非洲啲動物都會因為建路而變得少了地方,然後打架)

這個colony 有十二隻貓,附近還有幾個colony,

鄰居會風雨不改輸流幫忙餵。

就算八號風球打大風的日子都會去。

今早起床見到群組說「咋天下午收到愛協電話,他們接收了一隻已絕育有我晶片的ginger男貓,已過身,我再問是否短尾和事發時間地點,他們回覆是有人約咋天早上五點幾發現為食被車撞到」

他叫「為食」,又叫「短尾」;有個跟班,所以那跟班貓就叫「跟班」

好傷心呢,雖然相比其他姨姨我餵得少,但依然意外地傷心。

意外地心痛

這些貓貓在這裡住了很多年。

啲人成日會討論養動物係咪ethical at all

然後又成日討論應唔應該rehome一啲比較feral 的貓貓還是讓他們在外邊好一點。

就算喺我哋嘅charity,都成日遇到呢類求助個案,但都時不時會有不同意見,例如係在外邊嘅貓通常會短命啲,被車撞,被毒死等;但亦有人會覺得有啲貓太驚人根本唔適合rehome.

又會討論我哋人類嘅城市發展對動物還友善嗎?

為食

1// 我屋企樓下個海邊公園,所有貓都已經做了絕育,亦都算比較遠離馬路的一個cat colony. 

但公園有一部份現在正建新樓(所有鄰居都反對) 有個地盤,所以貓嘅位置又少咗

(諗起非洲啲動物都會因為建路而變得少了地方,然後打架) 

這個colony 有十二隻貓,附近有還幾個colony,鄰居會風雨不改輸流幫忙餵。
就算八號風球打大風的日子都會去。
今早起床見到群組說「咋天下午收到愛協電話,他們接收了一隻已絕育有我晶片的ginger男貓,已過身,我再問是否短尾和事發時間地點,他們回覆是有人約咋天早上五點幾發現為食被車撞到」

他叫「為食」,又叫「短尾」;有個跟班,所以那跟班貓就叫「跟班」

好傷心呢,雖然相比其他姨姨我餵得少,但依然意外地傷心。
意外地心痛
這些貓貓在這裡住了很多年。

2// 然後昨天,細B 的foster 家寶send 了十分之靚的細B 相給我,其中一幅跟「沒有名字的貓」繪本中的貓好似!

3// 同埋,早前為朋友的 campaign 寫了一篇關於小草的小文章。

“不經不覺,來了這個海邊的家已經兩年半。

今天我們家又來了一隻暫住的黑狗狗,使得我很害怕!貓媽媽還帶我和她あみ一起去散步,那狗不停跑叫,雖然我人生開頭的很多年都跟狗狗一起住,我們冬日依偎在一起,不是因為喜歡大家,只是生活環境就是又臭又髒的小籠,就算很很忍讓,有時有狗狗們打鼻鼾,又或者食物不足時,都會打起上來。

在又熱又臭又細的環境,大家都很易脾氣暴燥。

冬天尚且能互相取暖,但夏天就連呼吸的氧氣都沒有。

偶然才有人來清理我們的屎尿,還以冷冰冰的大水喉灑在我們的身體上。

有水洗過後,我的毛髮還是油油的又長又髒。
昔日我的毛總是打結,結上滿佈厚厚的灰塵。

所以,現在見到狗狗我還是會想起不愉快的回憶,被其他失控狗狗壓住的時刻。血淋淋初生BB 狗出生的尖叫聲。

我家的人類貓珊媽媽說,我們家有空間也應該幫助其他曾經像我們一樣的無家貓狗,但我有時就是忍不住,見到他們就打從心底的顫抖。

想起從前身體上的痛楚...
生下來的小狗兒都被人類粗暴地拿走了的記憶。

還記得我初被救出時住在籠裡很久很久,終於有人貪我是純種狗又細隻就收養了我。

後來我卻因為一直仍然好害羞好怕人,又不停拉肚子,一天到晚痾水,整晚在轉圈,所以被退回了。

然後就遇上我現在的家,貓珊和苗苗這個在海邊的家。在這裡我也拉肚子,因為害怕,我一直肚痛,痾着綠色的屎,弄得她們家要每天換床單... 但她們沒有嫌棄我,就一直住到現在。

我依然不像其他狗喜歡行街,但現在每見貓珊我的人類pawrent 拿出街的袋我就忍不住大叫大跳,也想跟住她。她帶我去過很多很多學校講座,有些有六十個八十個小孩,每一個小孩都餵我吃東西;這就是「放題」;我跟媽媽和朋友去書店擺檔,去「動物嘉年華」工作坊,也去跟小朋友講故事,還有去書店做講座,去探老人家, 做訪問.... ”

Written for hellowifey 朋友創辦的這個eco-friendly wedding accessory brand, 唔知賺唔賺到錢,但就不停努力幫手為Homeless animals 籌錢 >.< 

仲有4, 5, 6 但唔可以一個post 寫咁多嘢

Monday, December 19, 2022

西西


 //當大街上林立著百貨公司和超級市場,我們會從巨大玻璃的反映中看見一些古老而有趣、充滿民族色彩的店鋪在逐漸消隱。那麼多的店:涼茶舖、雜貨店、理髮店、茶樓。舊書攤、棺材店、彈棉花的繡莊、切麵條的小食館、荳漿鋪子,每一間店都是一個故事。這些店,只要細心去看,可以消磨許多個愉快的下午。如果有時間,我們希望能夠到每一條橫街去逛,就看每一間店,店內的每一個角落以及角落裏的每隻小碗,甚至碗上的一抹灰塵。灰塵也值得細心觀看。正如一位拉丁美洲的小說家這樣說過:萬物自有生命,只消喚醒它們的靈魂。//
- 《店舖》西西

畫旺角街市地圖時,我愛上了西西的店舖
畫花墟的畫時,我愛上了西西的一篇舊文章花墟。

每一段都覺得是寶。

怎麼我畫畫時會come across 這些文章,我也不能解釋。
但也可以証明她的作品觸及,啟發和感動多少人。
網上都能讀到這兩篇。

我也有幸畫過她的兩首詩,包括其中一首收錄在《動物嘉年華》書中。

香港曾經有這麼這麼好的一個作家。
不是曾經,好的作品能夠流芳百世。
And in fact, 看她的作品,就算是幾十年前寫的,不知怎麼也適用於今天的香港。

//我們說,如果閉上眼睛,也能夠分辨店鋪的性質。整條街的氣味幾乎是混合在一起的,但走到適當的距離時,就可以辨別出那一間店是那一類了。臘鴨店是油油的。南北杏、甜百合是香草味的。檀香反而像藥。麵粉有水餃的氣味。酒、紫菜、地拖、書本、肥皂,都有自己特別的氣味。甚至玻璃,也好像使我們想起海灘。//

她畫的貓超可愛。

----------------------------------------------------------------

題外話,《店舖》唔係我個年代的中文科課文。

剛才,我google 返篇文時,八卦見到熱門搜尋有工作紙,我真係唔係咁讚成呢種學文學嘅方式lohhhhhhhh....

拆開篇文啲段落來睇佢個主旨... 究竟係為乜.... 

呢啲學習方式係扼殺創意的

我細個喺加拿大讀小學時,一年級已經開始成日寫詩,每天早上都會因應那個月的主題而請學生們帶書回來分享(讀俾同學聽)而唔係只係為咗考試讀字默書計分。以前另一篇說過了,我們學習人體那個月,課室裡會有一副棺材,和一副人骨(還寫住那個人幾歲叫乜名);學習海洋那個月,我們會設計board game... 

當然我都喺香港考會考,可能因此少咗啲啲創意了,本來多啲。

這是另一個話題。


Saturday, December 17, 2022

魚旦

九度寒流下的大笪地

今日Sa姨..... 佢.... 我問佢借個wooden cake stand for our amazing gluten-free orange ginger cake, 佢結果特登拎咗個wooden cake stand 俾我,跟住仲送咗極厚嘅家居socks 俾我,仲有返屋企拎咗暖水袋,買咗手㩢,沖咗熱朱古力... 仲拎咗蘑菇毛毛飾物來給我裝飾張枱,會唔會太過誇張勁.... >.<

佢屋企有九隻貓(佢長期係foster 來的)

飲江叔叔讀詩好得意,佢竟然以前係住普慶坊的

佢真係好好人好sweet 

今日亦係烏鴉樂團宇宙首演,拉咗其中兩首我最深愛嘅歌。其中一首係給我們深愛的溫黛的。

今日仲有好多好多朋友來探我 ❤️ 帶咗佢哋上完繪本班之後自己做的書來一起讀。

但大家閱讀開心的樣子,就已經是最美麗的風景。

今日我一開檔就賣咗我最鍾意的海飄飄藍色畫,好開心。

但我隔離嗰個miu 呀,一日賣晒所有手造袋,瘋狂。

今天也有好多抱抱!!!還有很久沒見的朋友。

還收到最有溫度的手寫聖誕咭。

那個見山總舵和brian 成日憂心仲仲我哋會唔會無生意,瘋狂的。

搞手beelydaily 和一仲見山店長全都辛苦了。

Sabel 在我身後煮mulled wine, 一大枝一大枝酒咁倒落個窩度,睇到都爽。

我哋全部都係柑橘派的。

一年一度聖誕市集,明天再續。

聽日真係我賣魚旦。

Thursday, December 15, 2022

日記

You know I almost never read back my own diary/old moleskine, 雖然我(好似)用咁多心機時間去畫sketchbook,但於我來說已經係習慣。昨天繪本班,我講到自古以來的創作人都話keep sketchbook好,而我自己亦深深同意。有同學不禁「打亂」我,問乜sketchbook 唔係應該好隨心,唔使好靚好整齊咩。問得好好,真係應該係咁,我只係個very bad example.... 

p.s. 我十分之喜歡同學仔「打亂」我講嘢,大家最好盡情問問題。

今早也開一個繪本有關的會..... 

誤打誤撞拿了枱上一本moleskine,是我大學時讀兒童文學的上堂筆記.... 我有點被細個嘅自己震憾了..... 首先,由當時到現在,我對繪本嘅愛都係如一的,係打從心底的, 還會令我的心卜卜跳。但以前原來我畫嘅畫係咁嘅..... 那時畢竟再讀master, 好多好多理論,睇嚟我真係要for once re-read 下以前啲notes。

那本大學時的moleskine 也有我當時寫的一個故事,當然當時的畫很幼嫩;但其實我很喜歡那個故事,就是A Tiger who came to tea 的parody, A lion who came for congee, 也是真實場境 - 大坑一間三十年老的粥店,當時常常去。而那個故事也是關於invisible friend的,跟今年年中breakazine 那小故事一樣。

裡面也有不同大學同學寫和畫的東西(我好喜歡邀請人畫/寫落我本簿)其中包括我們當時有位北韓同學。那時大家常常一起食飯飲酒,但佢話返到北韓我哋就唔可以搵佢(佢係某教授幾經辛苦幫佢申請到一年來交流的學生)飲醉酒時也會在google map 指俾我哋聽,啲集中營喺邊度 : O 

現在就講更多創作... 

Anyhow, 很感謝每一期的同學,花幾個月的晚上來上課。
在突破Trial and Error Lab 教的三年,我覺得自己也學了很多很多。
希望我都會越教越好,來年大家都創意滿滿。也看了上期同學仔的作品,遲些會有作品展,和同學仔的分享,大家記住要嚟呀。

今期嘅同學仔會有機會去木棉樹出版社,佢哋都好似好興奮咁 :P 

時至今日,我身邊都有人係覺得兒童文學係幼稚嘅,lesser literature
都有人係覺得木棉樹啲書唔係書,唔夠靚(但因為佢係想所有小朋友都買到繪本,唔係淨係有錢先買到繪本)
就好似我身邊都仲會有人買動物(like you'd think 喺我身邊嘅人應該唔會....因為我同啲傳教嘅人一樣咁煩) 
but we can just do so much, and keep trying 或者就係有啲嘢,自己未做得夠好。呢個係真,唔係摶你讚/安慰。但繼續努力呀

Tuesday, December 13, 2022

蜜柑

我可以繼續寫柑橘橙故事嗎?延續上兩個post, 山橙之貓之三。
也許是昨天採山橙不遂,今早外出散步時looked extra hard at the surrounding trees, 就給我遇到一棵過去十年都無留意到的樹!樹葉茂密而盡處掛滿顆顆橙黃澄澄的柑子,明亮滿頭陰雲及蕭條的今天。 

另外,平日常經過那棵三個人咁高的是桔樹,這棵柑橘樹這麼搶眼,我平日卻無留意到。樹在一個(被空置)屋苑的山坡上。這屋苑肯定不久將來也會像對街的矮房一樣,被移為平地,建成昂貴的新房子,而這棵大大柑橘樹,和正門的老碌柚樹都會一併被移除。

by the way, 那碌柚樹過去十年秋天都結成鮮黃的大碌柚,像掛滿發光的燈籠一樣。 

雖然屋苑空置了,但仍長期有看更姨姨,我求佢俾我行入去睇下棵蜜柑樹,因是私人地方,要經過鎖住的門。

不久後她答應了,還帶我一起進去,走過秘道,開了小門,是個花園。她拿出大工具教我如何採。一面告訴我是酸的,一面說她把一部份留給清潔姨姨。

後來還幫我拍照又幫我採。這裡已經人去樓空,花園卻很整潔,花和水池都由她打理。

其實這幾座房子已經空置了三年,真是浪費,當然好快有天就會建成新房子賺錢... 
how i wish 這裡可以一直清幽恬靜....

But on a lighter note, she made my day, 下次買盒曲奇給她。

又想起京都嵐山有個「落杮舍」,多麼美麗的名字,吸引人的幻想 - 柿子纍纍於樹梢的紅橙橙景象。這是俳句詩人松尾芭蕉的門生之一的隱居所。據說當年庭園種了近四十棵柿樹,秋收之際有商人一口氣買下全園柿子,但付款前一晚刮起狂風,把樹上柿子全數掃落,也只能自嘲此地為「落柿舍」

「柿主(かきぬし)や 梢(こずえ)はちかき あらし山」(有柿落下時,方為嵐山景。) 庵主去來所寫的俳句、為洛中最古老的句碑,幾經風雨字跡難讀,如今有拓文供人們參觀。

沒有得到有毒山橙,也採到可吃的大蜜柑。

蒸發

原來橙色不是萬惡
對有毒山橙念念不忘

早幾個月我就跟朋友說起想開間「薑色屋」因為很喜歡橙和薑 citrus & ginger. 

我不停問LIFFEE 可不可以快點做gingerbread latte.... 

可不可以做薑汁撞奶

大學時最要好的朋友很討厭橙色,不知怎地我也被潛而默化,以為人人都不喜歡橙色。後來大個用了大概十年時間,發現原來橙色都唔係咁衰,Mount Zero 標誌的橙色都好美;原來都好多人鍾意橙色,柑和橙也是橙色。

什至我的貓也是橙色。我常常望住他,思考他究竟是橙還是caramel 還是啡 ,尤其因為他不是單色 ,兩隻色時其實可能係optical illusion. 

我以前一直很想要隻橘色貓 ginger cat, 因為覺得童話繪本主角都是一隻橘色肥貓。然後2017 年填了LAP 狗狗foster form,就來了我第一家foster, 現在我家ginger meow 的一家,真是緣份。最美好的緣份。

不過我也喜歡黑貓,黑白貓;如果要算,我最不喜歡的就是白貓和british shorthair blue, 我反複思考我是因為要train up 自己喜歡唐貓,所以訓練自己不喜歡那種超受歡迎的blue and white,還是什麼,我也說不清。當然如果有天有一隻那種我無咁喜歡的貓種狗種來到我手上,我都會很愛他。

不過讓我想起Sharon 說她女兒跟兒子性格很不同。他們家雖然有錢(她不會認)但從來不追名牌,可是自小,例如要買表演衣服,若果sharon 帶她去買一些貴一點點的衣服,女兒都會很反感,她就覺得要買平宜的,對種族等議題也很敏感。

天生很有正義感。但Sharon 作為媽媽就會擔心女兒會不會too hard on herself. both sides 都right

我們尋完山橙和Howl's Moving Bamboo Castle 在碼頭邊坐着也見到一隻心口全橙閃閃發光的鳥。

見山店長Judy 形容 Howl's Moving Bamboo Castle 為Wuthering Bamboo Heights 咆哮竹莊,omg 好正。

她也留意到每件藝術品旁都有大使導賞,及藝術節只需一張船票,不用入場票!(她的post 不是public 呀)

她的iphone 紀錄她行了47 層,但我的iphone 紀錄了我行了62 層(but we walked together...) 看來藝術節也是山中暴跑活動。

蹦蹦跳跳人間蒸發。

我媽跟朋友昨天竟然一個下午睇晒成個鹽田梓及橋咀成條行山徑,仲識叫船家喺半月灣接返佢哋。

這個五度的周末,我會在見山擺檔,會有飲江讀詩,兩天都有live music, 還有20 個stall, 有all things bright and beautiful, beely daily etc. 

你看,我根本無乜嘢好賣..... 我認真策劃思考了一整個月,就算我無嘢賣都會去擺檔(到時會有啲,但不像其他人咁勁囉.....) 

不過Sharon 就話我可以做賣 郁 鍵 熱 魚 蛋 和 燒 賣。 

已經跟郁鍵談好,難度真的會由我賣。

或者是
- Hot Ginger honey milk

- Orange Ginger grandma cake 

可以加呢兩道

btw, 我家附近都有棵三個人咁高的柑橘樹,每年冬天開白花時都會把那整條路薰香,especially strong at night ❤️ 我超愛。我家狗狗Rosie 離世時我也是採了那樹的花葉圍着她的遺體,因為那是我們每晚散步經過的路。

我: 「但其實我好鍾意畫橙 橙在我的畫中係無處不在」

卡文:「Yess 所以你潛意識係鍾意 只不過一直被你個大學同學耽誤咗XD」

p.s. 關於橘色貓,還有我自小很喜歡Judith Kerr 和她很有名的書 A Tiger that came to tea (我大學就做了一個parody 係HK version 的 A Lion that came for congee 的繪本 >.< ) 她書中的Tiger 就是橙色老虎。

我今早讀作家趙曉彤IG story 說到自己小時雖然家中不有錢,但從來不覺得自己是貧窮的。天天有婆婆做的飯,「家中還有貓」!!

你看,有貓的好如此大! 

早前說湊Alex 時,我沒有太大的遺憾,因為可以給他的都盡量給了。

From his point of view 雖然不是完美,但都沒有大遺憾。但於我,我覺得抱得他不夠。雖然我知他和我家苗都討厭人抱的,但如果私心一點,現在想回就好想當時有多抱他一點。貓這肥肥軟的動物。

活生生的ginger candy




Monday, December 12, 2022

山橙

今天帶了見山的店長去西貢海藝術節。

抱歉今天超大風!

Check 咗潮汐期,還是過不到連島沙洲看「日光下的月影」今天的浪特別大!風都超勁,有啲Scotland feel.

但我記得這對artist 好似話,去睇日光下的月影嘅意思就係好似人生旅途,未必一定係一次就得,在海上看和最終成功攀越小山後看到的樣子都不同。

幸好下午放晴了,我們在鹽田梓一起吃午餐。看了六件藝術品、漂亮的天、漂亮的海,山橙和Howl’s Moving Bamboo Castle.

最深刻的是從墓地行回碼頭途中滿天掛住的山橙!

圓圓的閃閃發光,我們花了好些時間要採,又拿來樹枝,用盡辦法,但最後都不成功。

感覺山橙都在嘲笑我們了。

最搞笑是明明我們背包都有漂亮的杯杯生果,但我們偏要去採那採不到的樹上果!

之後,又走了入歪路。

那些直徑有幾米闊,幾米高的竹樹群在風中搖曳,因為今天風真的大得很,竹樹群就像一個極之大型的哈爾移動城堡,在風中發出巨大的eek eek 聲,看得大家目定口呆,還有人之後走回頭攝低那景象。

在華文世界關於日本大地藝術祭的文章中,有一篇我特別深刻的,說到北川選藝術品要「接地氣」與土地連結,最重要的是「有趣」。另外就是他們不會把作品集中在交通便利、容易抵達的地點,而是讓幾百件作品散布在近3個台北市大的山林、農村、河階台地中,目的是讓遊客享受尋找藝術作品過程中的樂趣。

「邊找路、邊看作品,是種樂趣,甚至迷路也很有趣,」北川說,「空間與環境的體驗,才是參觀藝術祭最有趣的部份。」

藝 術 其 實 只 是 個 媒 介

我都好想念雪國呢。一有機會我就要去日本買書、睇書和返回越後的山莊。

昨天曬了筒菲林,好開心。

還有前天在山中搞活動拍的照,怎麼香港冬天,隔天風速溫度可以差咁遠。

但無論如何還是開心。

現在就是差個山橙。

幸好山橙結果期極之長,聽店長們談創作和書本,就已經很開心!

Sunday, December 11, 2022

影島

但願我們不是影之島

I still can't believe 昨天在西貢海藝術節,海中心島上搞活動時,會碰到Duey小朋友, 他跟朋友咁叻仔可以行晒成條大菠蘿遊十件artwork, 加睇晒鹽田梓加橋咀九件art work,仲入埋鹽田梓天主堂。 

昨天山的綠、海的藍的美,難以以文字來形容。

下邊的海水永遠如此清徹。這條山路咁易行,但超高性價比。

那麼一億四千萬年前火山初爆發後是什麼顏色的呢?好好奇呀。

山海之間就係最美好的課室。btw, 我大學時除咗幫人帶狗同埋畫繪本,仲喺National Trust of Scotland 兩個site 度做part time (cls, 我基本上真係無認真讀過書)其中一個係Newhailes 一間好大嘅屋同一個超大嘅field, 會有好多小學生去join outdoor programme, 我要幫手設計、畫education kit, 教啲小朋友睇雀呀,點解會有holly berry hedge, hedgehog 係點build den, 會在凍冰冰冬天scotland 請小朋友在大原野上試make a animal den.

所以昨天這樣子好幸福。
一班人在山中席地而坐,浸在溫暖的太陽中,海水一邊閃閃發光,另一邊是溫柔的藍綠。

也看到連接滘西洲和鹽田梓的玉帶橋上另一件作品閃閃發光,石頭和藝術品靜靜地反映着客家婦女昔日的辛酸血淚故事。

嘉寶從袋中拿出一嚿嚿啡泥,讓大家跟藝想的師傅仔體驗塑形。

嘉寶說要帶師傅仔出來這麼遠,每一次都不容易。又說到人類為何一開始會燒泥,和藝想二十三年前初起步時的故事。出席的朋友仔用泥塑出蘑菇、星星、蝴蝶、貓貓等。希望大家都玩得開心。

我跟大家讀了一本我心愛的繪本💕💕💕


這本書在香港無得買啊。
//在渴望沼澤和往日時光瀑布之間,有一座沒有名字的森林。森林中有個夢境矮林,住了一位小袋鼠醫生。小袋鼠醫生專門為動物治療一種病。什麼病?就是「惡夢」這種病。他就像個有袋類的弗洛伊德,傾聽動物們形形色色的夜夢紛擾。他善於分析和治療,知道如何捉拿各種窸窸窣窣、黏糊糊或吱吱叫的惡夢。小袋鼠醫生從未失敗,直到袋狼帶著他不尋常的夢到來……//

選這本書除了因為我們置身在島上,亦因為每次聽地質專家說西貢故事時,總使我感到人類的存在多麼transient, 我們的煩惱比微塵還小。

But at the same time, 在這一個時空中,我們的一舉一動也會影響身邊的世界。

我們這件作品十個「角色」是inspired by 西貢一帶的地質、植物、動物故事。

暑假prep 這活動時應該不止一次有人中暑。現在我們每次去西貢都嚷着想念地質專家Alvin, 人人都爭住話自己細個想讀地理。那次地質公園的 Alvin 帶我哋睇完橋咀,我們好像看見了另一個世界,行山徑的橙色泥,粉紅色的石,像化石的紋,億年來的植物...... 眼睛所看的灰土緣葉都變得不同了!所以,不如Alvin 再搞多次tour。

另外我真心覺得康嘅ambassador 日誌係好有意思的,除咗全世界都話佢啲相靚之外。好多人什至我哋,都未必想像到daily operation 係點,幾個core member 要處理幾百個free programme, 每朝8:15 am 開始,全班人都好漂亮,閃閃發光的。

之前幾個月要coordinate 啲artist,拍攝,趕工,跟村民、村長、郊野公園各部門傾、make sure 啲嘢可以withstand weather 唔會吹咗落海呀,由市區運入去運上山已經一堆工作。

但實際art festival 開始咗又係另一堆工作。

西貢對好多人來講好遠,所以可能好多人心態上覺得,要趕住一次睇晒所有art work 因為唔會短期內再來多次。但其實如果太辛苦太趕,感受唔到個地方就 defy 咗去art festival 嘅purpose la. (but i still admire 及大讚賞來自梅窩的 duey,要就啱船期,同埋潮汐期先可以做得到喎)

我昨天在想,日本人去setouchi /echigo tsumari 都係at least 一個weekend ga ma. 

好似尋日我個活動參加者melissa 一家就係連續兩個星期來橋咀。

而且參加完活動趕住落沙灘玩,看海,看日落... 

上面應該間接解釋了,點解要在山海間做藝術節,為什麼會有美術館以外的在地藝術創作 :P 
------------------------------------------------------------------

西貢海藝術節還有一個月。

這次我是跟聖雅各藝想合作,作品叫「大菠蘿遊」還有其他九件作品㗎。

藝想是一個已經喺香港二十三年的陶藝工作室。

藝想的成員主要都是智障 intellectually challenged 或者是自閉的成人(不是小朋友)
我們稱他們作師傅仔。

他們好多都一直在藝想做泥做了五年十年。
藝想 不是一個庇護工場。

他們會請有名的藝術家們跟師傅仔進行長年的合作,為師傅仔build portfolio, 也會接commission, 而且他們的作品也曾展出於很多reputable 的本地和國際展覽中。

Thursday, December 8, 2022

礦泉

「日漫有兩座高山,其中一座是手塚治虫,另一座就是柘植義春。」

如果我想出個post 但係圖文不付係咪好衰女

我正在讀的這本書好搞笑,讓我想起有年我跟我的日本artistic family一起去長野「読書の森」,一家在middle of no where 的木屋,是書店/旅店/有自己的wood workshop 和養羊養貓。今年已經開業三十年了。

裡邊的木樓梯書架都好美,晚餐後一班日本老文青,七十歲的書店老闆、作者等,會大家一起喝酒喝歌。時不時也有幾個換宿的老外。

連厠所都畫咗畫貼咗相。

其實那裡並不像我正在讀的那本書那麼寒酸,也不是什麼high class 地方。但就想起來,也許是因為大家都是在深山carved a different life . 

那時,回到住宿處還燒着真火爐。

不過我正在讀那本書好正,我好鍾意睇日本文學,因為時常有啲在別處找不到的思路和情感。

第一個chapter 固之然極之搞笑,講自己其實要離家出走,之前跟一個素未謀面的讀者書信來往過一兩次,於是決定從東京去九洲,跟那女子結婚,就此從東京人間蒸發,以後不畫漫畫算了....

「她是什麼樣的人呢」我試着想像。

「如果其貌不揚就麻煩了,但如果只是有點醜的話我就忍一忍吧。」


等待她時又去了附近溫泉玩,在「無燈無火,氣氛詭譎」的地方看脫衣無孃表演,因為付不起錢,總是孤伶伶又寒酸的,連音樂都令人惆悵。笑死。

大家讀着都覺得是黑色幽默,但「怎麼這是真遊記來的....(滴汗)」的感覺。

平日大家去旅行都會記下秘境,好吃的,他卻有好多篇都寫到「在二樓走廊看到一片木地板脫落... 令人不安」「客房的榻榻米不只藺草趐起,還是傾斜的」

「一家三口撕開吐司分食,乾巴巴地吃,越吃越淒涼。」有時不小心住貴少少的旅宿,晚餐很好味,又擔心會不會是另外收費的,擔心沒錢付怎辦。

他可是有點名氣的漫畫家,時不時在旅宿被人認出要出名,但他的自卑無自信不是扮的。

作者真的就是偏愛窮鄉僻壤的礦泉旅宿。遇到光鮮一點、新一點他就混身不自在。覺得一點趣味都無。而且書中寫的都是1960-1980s 的日本,時不時去到一些偏僻山中,都會突然發現正在有大發展,或者滿谷垃圾,或者有建了一座醜的石屎樓,插住俗氣的旗,這些讓他討厭的東西,就是日本那個曾經由鄉村高速發展成今天的樣子的年代。

曾經都有「一帶卻受旅館的廢水嚴重污染。」的年代

他寫了去到很多不同地方其實都好平凡,例如特登去,點知「(溪谷)平淡無味如人工運河。萎靡不振的」

「旅遊之好,就好在可以稍微脫離日常生活,說日常可能言過其實,不過脫離生活的心情總是愉快的。旅館的餐食也不例外,與不時不同的飲食可以滿足遊興。結果那天端上餐桌的卻是燉地瓜圓片,好好的旅遊猛地降級成生活,令人哀嘆」

不過如果曾經試過慳住錢旅遊,或者喜歡在異地胡亂散步,或許都有這些經驗,not all moonlight and roses ah.

Sunday, December 4, 2022

貓牛

牛牛和貓貓
Updates on sai b <3 昨天十三歲,因為尿道阻塞有生命危險的貓貓細B: 今天我又去了探留院的他。
他全程non stop 扭摸,不停煲水無停過(purr),簡直想即刻反肚,但礙於又cone 又tubes 又尿喉,佢只可以全程依住我。但我探完佢都覺得溶化了(及唔明前主人點解可以養咗十三年放棄佢)我希望會有family look beyond 佢嘅歲數,選擇帶佢返屋企啦。 

另外,看來,呢個叻叻的小朋友的驗血報告差唔多回復正常,如果明天脫掉尿管自己可以小便,即係話手術唔單止成功,而且無留低permanent damage, 可以話係變返隻都正常嘅十三歲貓喇。 
--------------------------------------------
今期集成七分一書店嚟到最後一個月喇。今次七分一咪有其中一間係關於動物議題嘅 Humanimal, 可能好多人做動保都以為自己咩都知,唔係做動保嘅就覺得完全唔關我事,立刻shut down關起耳朵。

對我個人來說,我就呢半年就因為Humanimal 搞嘅talk, 學識咗好多新嘢。

佢哋會搞南丫島山態walk, 關於蛾的、關於貓狗的, 有時會討論到豬屠場, 也會以學術的角度去剖析人與動物的關係。

今天的sharing 就係關於香港牛牛的。 

Industrial/intensive 畜牧的dark sides, 聽落都係我哋知嘅嘢,我哋都知飲牛奶係唔人道,都知啲人會用電棒打啲食用豬,都知塔門啲牛成個肚都係垃圾,都知養牛有rape rack, 啲人會伸隻手入乳牛的陰道做人工受孕;外邊的牛有二十年命,工業乳牛不斷產奶,全年都是受孕期,她們的乳腺因為要產奶長期腫脹,人類改變了他們的natural reproduction cycle...

她們的身體因為不斷被使用直至有天,大約四年左右,會不能支撐自己跪下來,這些叫downer, 會被宰殺... 

你記得瘋牛症是怎樣來的嗎?

這些我們都聽過,無人提起就不會討論到,但都不是跟我們很遙遠的事,因為很多人每天都在喝牛奶,吃牛肉。

我覺得好多人會立刻唔想聽,可能因為佢哋覺得自己「無論如何都一定要食肉」但其實唔一定要 one or zero, 就算你一定要食肉都可以知多啲㗎嘛。

我分享了少少我之前畫牛婆婆的故事。

而今天牛歡喜則分享了他們在塔門當義工的所見所聞,還有香港不斷改變的土地情況對動物們的影響啦,佢哋亦都會去淨灘。Philip 提到有時塔門沙灘同埋草原,一個復活節已經可以有十一噸垃圾,但成個塔門島只係得一個七十幾歲嘅清潔工。

好多時你見到塔門啲牛牛好瘦但係好大個肚dum,裡面就係全部都係垃圾, 膠袋呀,食物wrappings 呀... 

其實我近日去西貢海灘都見到好多垃圾係啲人留低的(而唔止係外邊飄來)

講咁多如果大家連扔垃圾都做唔到... 真係......好令人頭痛 :S 
當然也有外邊飄來的,包括好多好多膠樽,用少啲即棄的包裝都係一個好好嘅daily reminder, 我同朋友有時會試下一個月嘅challenge. 

大家的分享都十分之仔細,有深度,好多research,所以我唔可以完全recount 佢哋講過嘅嘢,但極之鼓勵大家去參加joycows 將來的分享或者淨灘活動;同埋留意Humanimal 書店最後一個月營業期嘅活動喇 <3 

另外,今天的活動是在深水埗的獵人書店舉行,十分之喜歡他們的選書 <3 

Saturday, December 3, 2022

阿細

 

畢竟已經是十三年 13 years of love(?) Eng below
This happened last night. 昨晚我們 LAP 收到一個緊急求助個案。
一隻十三歲的貓貓因為尿道結石堵塞,去到獸醫診所已經嘔了幾次。
這種情況有時會出現在公貓身上,並不是很罕見,一但塞住沒有儘速就醫,很容易就有生命危險。
在這之前,貓貓可能已經痾了血尿一段時間,貓貓尿結石可是很辛苦的事呢。
而昨天的貓貓去到診所時,膀胱已經好脹。
若不立刻做手術,貓貓會因此中尿毒, 不但對腎臟造成傷害,變成腎衰竭,並會死亡。
不過也不是第一次遇到主人當下是決定不做手術,選擇要人道毀滅的。
獸醫護士不忍貓貓的病明明是可醫治的,但卻要被人道毀滅,還提議讓她分期付款,之後接回貓,畢竟養了十三年。
但主人拒絕了。
獸醫護士於是求助於我們。
事實上我們近日已經滿得不得了,貓和狗中心都不夠義工,而需要幫助的貓狗卻是每天都有,有時一來是六隻貓,有時一來是四十隻狗。
但我們是一家100% 由義工運作的charity,每 一 個 人 都 是 義 工 來 的。
時不時不夠義工,再收新貓新狗大家都抵受不住了。
光是每天清潔、餵食、洗碗、洗布、餵藥、帶狗散步、入資料、處理adoption,找暫託....... 就算不計醫療資出,義工也是做到死....
有義工晚上十點還在中心
有義工上班前先餵一部份貓食藥。
但我們也不忍心看住這貓貓就咁痛死..... 所以最後還是收了 😣
那時已經是晚上八點,我們找到一間獸醫診所可以立刻於晚上能動手術的。
他的blood report 當時都十分差。
幸好,手術成功了。
但還要留院兩三天。
他的手術費加埋留院費暫時是 HKD$14,000 可能最後會多一點點。
如果你都認為老的貓貓都值得愛,也想支持我們的工作,我們真的很需要你們的支持。
當義工、spread the news, 捐助就算少少都是好的, 當暫託,選擇領養。

3/12 今天去了探他。要住院的病人們都不是小事,就只有他,十分之多嘢講。
周圍的貓仔都好攰好病,打橫訓。
佢就好討厭手上的bandage, 佢身上有兩條tubes, 打晒kick 咁,一有清潔嬸嬸經過就叫。
不過都仲要住多兩三日院呀。
今天也寫了fundraise post, 感謝很多很多人捐錢,每人捐少少就達標了 >.<
感動

Friday, December 2, 2022

變身

參加了西貢海藝術節其中一個活動 - 橋咀島的 photowalk, 

1) 太陽滿滿藍天白雲,冬風把每個人的心事都暫時抹走

2 )有個伯伯參加了這團,竟然還熱切地告訴工作人員,其實今天是他生日,結果這就成為了他的生日慶祝,都幾cute 呀
3) 碰到劉青雲

4) 我們的好朋友阿康是西貢海藝術節的員工。
他以前當建築師時成日唔開心,又辛苦,又周身痛又攰;掙扎咗unbelievably 耐可能成十年(蝸牛般的雙魚座)終於離開了那工作,本來諗住休息下先,再諗之後點,但誤打誤撞來了西貢海工作,每天在太陽風雨下奔走,本來在建築公司已經是一群人中最老的,現在就要穿住teeshirt 跑來跑去,答問題,處理飯盒等,面上都有口罩印;但竟然健康地瘦了一圈,年輕了十年的樣子 OMG

連jeremy 都話「佢成個人個vibe 都唔同晒!」EXACTLY!that's what I thought too 

果然世界不是絕望,連office 裡壞死了的靈魂,回到適合自己地土壤都能一下子重新。

不過他也做得很辛苦,每天要08:15 am 就去到西貢,但真的整個人變了!!!

但其實他是這種藝術節的veteran 老手、經驗豐富的意思。
曾經在瀨戶內海藝術祭小豆島上統籌其中一項目的義工
又曾經整個夏天留在越後妻有藝術祭山中做苦工(這是hong kong house 出現前的很多很多年)

我們三個終於有一次是一起工作的。
正呀!

我呢排成日諗, 回看2022年最深刻嘅幾樣嘢就係:
Some of my best memories of 2022 were
1)游海的時刻 swimming in the sea
2)喺藝想做泥嘅時候 Hands on ceramics at St. James Creation
3)湊力力嘅時間 My time with Alex cat even though he passed away in a short time

(I wrote this bilingual for you kath)

同埋我家貓狗健健康康、睇到一本好書、畫畫嘅時間、跟朋友一起的時間都係小確幸。
不過傷心嘅時都有好多,打仗的、不公義的事情、好多可怕的事還在每天發生....

而當中,好多最美好的游海回憶都係喺西貢海呢一帶;今年亦增添咗好多冬天游凍水,跟大水母游水嘅memory, 因為今年比平常多咗好多水母 :P

而今年都幾多 一起分享過閃爍閃爍的大海的朋友。

所以,西貢海藝術節combine 咗我兩樣最愛:我最鍾意嘅西貢海同埋我跟藝想一起做的陶瓷作品。
好幸運呀。

為期三年的西貢海藝術節,已經開始咗喇。第一年即係今年去到2023年一月中。

見好多人問去西貢海藝術節使唔使預約登記。
特別寫呢個post 話俾大家聽,唔使㗎。

九件 artpiece 都喺度,大家隨時可以去。但有唔知幾百個活動的,行山呀、kayak 呀,導賞、藝術家lead 的活動就要book, 都係免費,但book 咗記住一定要去呀。

唔好浪費大家嘅心機時間 >.<

我今次跟聖雅各藝想一起創作,總共有十件陶瓷雕塑,分佈在橋咀島行山徑沿途,每件都是inspired by 當地穿越一億四千萬年的動植物故事,就是石頭、一草一木都有很多故事可以說。

藝想是一個ceramics studio, 成員都是智障和自閉譜系的成人,培養他們成為藝術家,好多都做咗陶瓷好多年,什至去過外國展覽。

都幾cutie 㗎。其他藝術家的則有認真、有深度、有簡潔現代、也有連結歷史的。

我們的叫《大菠蘿遊》有點尋寶的感覺,分佈在山上。

作品都是泥做,融入大自然。

而我又再跟藝想合作,總覺得長期的合作才能更深入互相認識,做出更有意義的創作。

戶外藝術祭、社區藝術、美術館外的藝術創作對我個人來說有十分十分之大的影響,十多年前真正初遇時,也給了我很多在藝術上一直解答不了的答案。

而我在日本做大地藝術祭,也真切感覺到有藝術家是能夠融入偏遠的村落,跟當地人一起創作 and for a long period of time, 唔係從外邊空降了一件當代藝術外星物來一陣就走。

他們的藝術節也不是一開始就順利的,但我總覺得一開始大家都碰着摸索着的過程才是最有趣。在一切未變成公式化之前。

當然每一個藝術節都有所不同,但我覺得很多時藝術節的重點也不止在藝術品上,如果你是抱着只係去看藝術品的心態,那你也許可能會失望。

(越後妻有大地藝術祭 curate 時什至說會故意把藝術品放在偏遠無名地方,讓遊人要迷路,看看沿途米田的風景,向陌生公公婆婆問個路)

藝術很多時只是一個medium, 帶我們重新認識一個本來被遺忘了但又充滿故事的地方,近年香港也多了這種藝術節(例如南丫島的、船到橋頭生活節和荔枝窩等)也許我們沒有外國的大型,但我們也有值得看的風景和故事,也有很好很用心的藝術家、策展人(還有一連串攝影、偵探、guided tour 節目,not just the art piece) ;藝術節也讓我們放下腳步。