Sunday, August 21, 2022

力力

湊力力嘅日子真係好珍貴。

估唔到七月初,佢第一次情況轉差時我會咁渴望有奇蹟。

除了我見他表面情況不是痛楚中,主要是我唔捨得他吧,這隻根本不是我自己養開的貓。

只是他性格那麼那麼好(雖然好性格的貓狗周街都係,deserve to live longer 的動物整個城市都係)但我還很不捨得這隻依靠着我的貓。

那時我想起《再見的練習》這本書。

好多人鍾意呢本書,但其實我本來以前睇無乜大感覺。

《再見的練習》是作者林小杯改編真實經驗而來的故事。藉由狗與人的分開與重聚,來訴說面對所愛的突然消逝,來不及說的再見,會成為心裡難以彌平的傷口。

跟作者總是相伴的狗狗比比,在某個風大的日子不知去向了。作者從原本有牠的生活,到慢慢習慣沒有牠的日子。有一天,牠突然又回到身邊,當然,最終比比也會離她而去。

書的tagline 是「好好地說過再見,再見到的一切,就會好一點、溫暖一點、傻一點、好笑一點、涼爽一點、強壯一點、堅定一點。心裡的洞,也會小小小、小一點。」

所以proper goodbye 是有意義的。

但,生活裡繼續充滿著牠那些好習慣與壞習慣。但是總有無法習慣的,就是真要說再見的時候……

雖然我接了力力回家,但我一開始真的以為他只會有兩個月命,所以我會湊佢湊到最後,現在他好起來了,也許我嘅使命都就快完喇。

你知嗎?

我在LAP 當了foster coordinator 很久,很多我的朋友都成為了foster, 雖然很多人領養了暫託的狗,但也有很多人就真的只有一個暫時空當,所以當foster。

不過,每當我們找到領養人,雖然暫託家庭見過新主人,但都會很多很多擔心,列很長的表說他們的foster 狗的習性,問我們新主人係咪真係掂。

我都會向他們解釋,其實我哋都算好嚴,會睇好多不同嘅criteria, 跟佢哋傾過等等。

嚴到有啲人會認為呢個機構xxyzzz... 

但我也試過領養了我暫託的動物,小草, Rosie, Meow meow. 

最終領養了他們,也許心底有點覺得「無人會湊得比我好」XD 

或者會覺得「佢真係好鍾意我」

明明是很不理智,好嘅領養人其實好多。

而隻動物呢刻好依靠我,但如果個領養家庭夠好,佢都好快會適應

咁我都有成功只做foster 嘅經驗嘅(即係只係暫託隻狗至佢找到新家庭)

不過啊,好像我都好愛嘅doug doug,現在也好開心呀,知道他們去了好的家庭,人哋真係湊得好過我添呀,就唔會牽掛。

我最終無領養到嘅動物,有時我身邊啲人仲婉惜過我咁,佢哋覺得我同隻動物好connected, 我(嘅愛令到佢起死回生)(當然不是喇)所以佢哋會覺得好可惜。

但我哋都會跟foster 說,只有佢哋下個屋企都係完完全全地愛,係好嘅屋企,佢哋都好快習慣。而暫託家庭嘅使命就完成了。係好難,有啲人foster 過幾百隻,送走每隻時都喊。 

Wednesday, August 17, 2022

燈籠

今天去了見山,被攝影師說我太跳躍了「怎樣畫畫」
總之我畫畫時就會很專心喇。

訪問中又打開見山的窗問beely daily 去年中秋我們做什麼;然後在畫框店想起我們買了歌賦街的 hakawa 小小店的iced chocolate,  (世一巧克力)又急忙跑過去要拿回。
你知拍訪問常常要拍「行路」的情景嘛,臨到Hakawa 時,我興奮得跑了落去。

雖然拍咗成個朝頭早都辛苦,但我覺得主持Sybil 都有同樣嘅熱情,佢好想帶我看幸福玩具店的舊世界燈籠,尤其係用鍊奶瓶、舊衣架做那個,訪問完還帶我行返上斜去找幸福玩具店的老闆。

去見山十分之開心,每次都好像回家一樣。
白羊座Sharon 本人不在,但都感覺到她存在,大樹也很美。
這陣子我們在畫中上環老店落大大的黃色燈籠上,有些店是清朝光緒年間就開業了(一八幾幾年)
過程中,我們還一起各間小店跟他們認真談天。聽咗好多正故事呀。

二十三歲的貓貓... 
年輕一代繼承老店的.... 
這些燈籠中秋節都會掛在PMQ. 

你們喜歡中秋節嗎?

然後就去了跟義工中的義工,大家的大大家姐Ann 一起去獸醫診所探貓狗。
慘慘貓狗天天都有。

腸被尖物刺穿了的名種貓BB...
因為人類崇拜扁鼻狗狗,而慘受各種deformity 痛楚的eamon... 有錢做手術也未必一定成功。
也有初被救回、不停擅抖的poodle 仔,眼仔上都有吸血tick...
打幾支針都無喊。希望快快有屋企啦。
還有頸上生了大腫瘤的柔柔,剛做完手術有兩條管插在頸上,血跡斑斑,但好乖好親人。她是十年前在流浮山被車撞到後被義工救回,然後一直住在狗場至今的。

大家還是真的不要買動物。
離開獸醫診所時,外邊下大大的雨。
也要把狗狗搬上車送回狗中心。做動物義工,這種不理天氣都要搬搬抬抬加等待的工作也很不容易。

明天要做另一個訪問是要早上七點半開始的 呵呵呵。
游了1.2 km,花了好多時間跟Alex 一起,做了些工作,要再花點時間陪自己的貓狗,要不他們倆會好傷心好緊張。他們好像小孩,會不明白怎麼會來了一隻新貓貓。
還要,最好早點早點睡。


採草

昨天去了 HKU landscape architecture dept 同啲學生做畫畫 sharing, 帶咗兩本繪本去。他們都好像好喜歡,所以送了給同學仔。

這班同學即將要讀三年的landscape arch master, 但大家都來自好不同的背景, 剛花了九天一起,在三號風球下site visit, 砌model, 在雨中戶外寫生,剷泥採草,聽講讀呢啲科,唔可以怕呢啲風雨 XD

但因為係master students, 大家都好有passion,是為喜愛而儲錢回到學校再讀書啊。

拿了這本書的女孩本來是讀和做finance 的,然後問每一個同學仔,undergrad 都係讀完全唔同,無關係的科目:環境科學、 設計、電腦、建築,全都不同。

這個course 的老師Lily 和Wataru 也十分之inspiring, 他們找我主要是因為他們倆都愛繪本,但他們不知道我以前也是讀archi 的。

他們本來請我,也許是因為Dear Tree, 想我跟同學仔分享手繪畫的技巧,但她說其他東西也可以講,所以我就帶了其他相關題目的繪本去,也談了很多畫地圖的事,因為以前做保育,想表現到區裡不同建築物、樹木、人的連繫,他們都是一體呀。

然後我們一起在雨中行上龍虎山畫畫,佢哋畫啲畫都好可愛吓。好想可以再花多點時間一齊畫植物!雖然好熱,出咗勁多汗。

兩個老師其中一個係日本人來的,他們倆以前都在一間日本公司工作,佢哋公司出咗呢本書超正。暈。

唔係個project 正咁簡單,係連啲documentation method 都好正。

我簡直覺得大開眼界。

回到大學時咁!

可能有啲人鍾意留喺學術世界工作,因為年輕人一齊,同埋喺理論嘅世界,都係比較接近美好。大家都會睇那些最好最好的possibility, 現實世界嘅project 大多數唔會咁完美,但都希望大家可以aspire to that. 

DAMN, 搞到我都好掛住讀大學!!! 

以前我喺archi dept 做咗幾年嘢,又做過conservation, 又幫手教過urban planning 嘅小部份,我突然昨天先發現,其實我係應該讀landscape architecture (如果要讀architecture) 

我以前以為,landscape architect 只會design 大型樓盤扮bali gei landscape... 不過昨天兩個lecturer 以前做啲project 完全唔係呢類 (香港嘢)sorry hong kong

佢哋話佢哋希望bring some difference to Hong Kong. 

白色牆貼滿site visit 的相,大家畫的畫這種景象實在太過熟悉(也有點可怕的)他們未來幾年都可能窩居studio 了,有些人帶埋水煲返studio, 住埋入去咁。所以到十二月左右,studio 就會好臭。

話說我成日都要去HKU archi dept 的,一個月去多過一次,所以會見證這個studio 由白色變咗滿晒東西的時候。

仲有,佢哋砌啲model 好鬼可愛。

今天也會很忙,Separately, 昨天我們還去了訪問老店,那個也超多故事。
小小力力也打了造血針、皮下水、食了三粒藥。
但今朝醒來(現在)也要再食三粒藥,我也先要去游水。
身體不好就可以做喜歡的事啊,所以每天也要盡量做運動和食好啲嘛。
有時我入了小力力房小草就會細聲哭,太可憐。


Tuesday, August 16, 2022

淡定

今日、聽日、後日都會好忙,我已經好攰,但依家只係七點 :P
所以想祝自己同埋你哋今日都一切順利!  
全個星期都係訪問同教workshop.... 但我好想好想好想畫畫, hopefully 就快 : P 

小力力昨晚搬了入我房的厠所。(澄清一下,係佢之前好病嘅幾日,自己決定要匿入厠所)

但昨天搬了後,成隻貓精神晒,好似以前好嗲,所謂以前其實係指兩個星期前嘅佢。
但差太遠,好似突然訓醒咗,食咗好多嘢。都知呢個可能又係係好短暫嘅好時光。
大家都話好耐無見過佢咁精神。

原來好多無養貓嘅人唔知,喺屋企加一隻貓係一個大嘅工程來的。有時啲人introduction 唔好,啲貓一世都唔get along  :P 要花好長時間分開佢哋先,等佢哋知道對方存在,但唔會有直接嘅confrontation. 所謂嘅desensitize. 

當然都有啲好好彩嘅朋友,隻貓好接受另一隻貓。 但大多數人都係無耐性,有時之後半年都訓唔到,有時佢哋唔開心會在你床上痾屎咁 :P 

雖然佢哋無相遇,但大家都知大家存在,我家喵有時會去阿力房門口,想推門同埋入去睇吓。

阿力全程淡定。
佢面對所有嘢都好淡定,可能以前係海味舖啲貓。
我阿媽都話佢見慣大風浪。

我自己隻貓呢,咁多年,就算自己屋企人有sudden movement, 剛回家,跌咗嘢,佢都矮晒腳好驚驚咁。

alex 係,你喺佢面前跌嘢都無反應,但佢唔係聾的。

另外,原來alex 真係夜晚去好多厠所,所以現在即將要打皮下水。

小狗小草都係活喺自己嘅世界的,只係care 食,但如果我入咗alex 房太耐佢都會刮門同叫。


打皮下水/游水 
去港大跟「小朋友」們分享同埋出去寫生
回家/餵藥/ 出去跟E 訪問老店和畫畫
哎喲,我也要落手去訪問人嗎?我畫畫好了吧!?
sally yiyi 今晚來探我們
明天後天都是被訪問only

Monday, August 15, 2022

草堂

小草上學篇
剛剛這個周末,小草和我去到荃灣一間十分之漂亮的繪本館去跟小朋友畫畫讀書。德慧繪本館的館長Helen 把活動名改為「小草上學篇」其實十分之appropriate, 人哋啲狗就係上完學,學做guide dogs/service dogs, 然後去幫啲老人家呀,小朋友。

但小草可能係透過每次跟友善的人類接觸,而學識無咁驚。

昨天在完全沒有零食的情況下,她都熱切地跟參加者打招呼。

喺德慧嘅小小讀書會,一開始我問小朋友屋企有無養動物。

一個小朋友係驚驚地狗,但小草爬上她身上,她也摸摸小草的頭。

一個小朋友,名叫天藍就話自己有四隻狗兩隻貓。超驚訝。但上次adverurer jae 屋企確實係有九隻狗,兩隻hedgehog, 兩隻守宮。

不過,原來天藍小朋友是沒有狗沒有貓的,那只是他幻想/夢想中的scenario! 好可愛。佢超鍾意小草。我哋睇咗幾本書,包括《寂寞的大狗》同埋《貓咪看家》介紹咗少少做動物義工嘅工作同埋畫地圖同故事書嘅事,然後就一起學習畫小草。

這次我們邀請爸爸媽媽也一起畫。(不是親子咁畫,係爸媽自己都畫一張)

小朋友都說未見過爸媽畫畫,又有些表示爸爸畫畫一定很醜的。但最後大家都畫得十分之好。

其中一個朋友Nathan 家中還有一隻貓貓,跟我的貓一樣是classic swirl 紋,我畫了一次,然後他又畫了一次,他畫得十分之靚呀。 

德慧除了繪本好齊全,窗外的風景也十分之美,還有一個日式小小讀書台,望住荃灣的綠樹,火車軌和大帽山的波波!十分十分之推介。

每次活動都印證,其實小朋友係十分之喜歡聽故事同埋畫畫,同埋小朋友都總係好希望事情有好嘅結果。有時讀繪本,會請啲小朋友估吓之後點。那天在YMCA camp 大個啲嘅小朋友都係,小朋友心地都好善良。

雖然平日驚驚震嘅小草,喺呢啲活動總係表現得好好。

事實上,真係好多狗,包括大狗係好驚小朋友的,因為有時小朋友太過熱情,動作又快。剛巧我養的Rosie 和小草在這方面都係天生擅長!所以小草都唔係咁無用。

小草近日也開始跟我去探訪老人家。老人家見到動物仔都開心大笑。

------------------------------------------------------

題外話- 我昨天見到一個琴,寫住「你要錫住我,我可是經歷了兩次世界大戰的琴」

勁,我就諗,如果第三次世界大戰,我係可以匿喺個琴入邊。

同埋諗,如果有導彈飛落出面嘅海,好擔心。但絕對唔係無可能發生,跟住我就覺得自己好似有啲小朋友,at certain age, 有時會好擔心某樣嘢...... 然後不停問大人。

我覺得我個腦諗啲嘢都幾正常同實際,那邊箱karpo 昨晚的夢: 「尋晚發夢,自己變咗一個素描人。個人係素描出來,其他人係真人。我照鏡,發現自己係素描人」

昨天tiff 和becky 都來探我們 ❤️ 

雖然之前兩日都游咗水,但我覺得十分之未夠,潮流好興啲外太空 immersive art, 但我好需要immersive experience - immerse 喺啲藍綠色嘅水裡面。

好了。coming week 都會十分之忙。已經呢個狀態個半月了。