Thursday, August 26, 2021

晨光

結果如我所料,我昨晚什麼都沒有做,一直睇書睇到睡,應該是十一點左右。
然後就準時五點正,在沒有鬧鐘的情況下起床,工作。
畫了一幅畫,排了一些圖,思考了一點。
然在是八時十分,要去游水,遲了十分鐘,還在寫這個。

五點至八點間,看到很多很多漂亮的雲景,localised 的 雨,夏天高高的雲,一直停在遠處堅尼地城的天空,然後又有一塊雲,一直停留在周公島的天空,左右兩邊都天晴,只在那一小個垂直的空間下雨,好fascinating,其實這個風景我看了起碼十年,但還是每天不同的。
好了,我要去游水,然後去開會。
八點後天很亮很光,我還是喜歡八點前的天空(就像那些喜歡全晚唔瞓,因為話半夜世界特別靜的人吧)

Poster 以後嘅日子還會改很多次,有好多做設計的人很抗拒改動,但我總覺得有建設的suggestion 真係會令啲嘢越改越好的。(但改唔到的,我也會說不能改啊~)

Wednesday, August 25, 2021

單人

我一定要完成多一點工作才睡覺。
因為明天我們去玩和工作一整天。

雖然今早已經五點起床,畫了一幅畫,游了一公里水。
見了好好的朋友,去了見山,見了兒時朋友,滿分。

你看 ah ho 的眼神先,和放下來的長髮,他們倆是見山神鵰俠侶店長。
對,我正在說,要做點工作才睡覺,怎料就出現了  - 書!工作大敵。

是見山書店/見山出版社第 一本出品。

果然是很好看,本來用來畫多幅畫嘅時間,就用來讀了半本書。

果然,雖然表面可能是情慾故事,旅遊故事,但當中也淡淡的提到這個年代下的香港人文化和身份的事,真的是淡淡的小事情中。

啊,我昨天不是post 了自己細個在大陸鄉村的遊記嗎,我們都是一去就成個月或更長,住在很普通的旅館,坐火車去很遠,但那是小時候的我看的世界,他看到的是完全不同的東西,也會有讀到笑出來的部份。如書背那樣說,會有嘴角向上和向下的時刻。

我會為一些很傻的事很苦惱(寫在這裹希望很少人看到)

我問了好多人,如果有幅畫我自己都好鍾意,但有人想買,而當然嗰個人係特別㗎啦, or else 我根本唔會賣original 畫(unless it's pet portraits)
唔會唔會唔會唔會。

除非 我好鍾意你。

我應唔應該賣俾佢。

你知有時啲人只係想氹你開心,精神上或金錢上支持你。但我想買畫的人都真係鍾意,同埋畫不會永遠在儲物室裹嘛。

總之我最後送了給她。

我有時不肯定她是不是對我只係客套地好。

但她對我真的很好。

又會跟我說想我可以像以前一樣多多來。

i am very sure all of this is totally 無商業原因(tbh 我完全無商業價值,見山絕對係我開拓呢個everyday merchandise 嘅大恩人)

As in it's out of love, 我同佢性格可能喺呢方面有少少似,可能我哋都係對所有人都係愛,咁但係都會有多啲同少之分。

佢好多好多好勁好叻嘅出名出版社同書店朋友,但都對我呢啲無聊小朋友咁好 。

sharon 對每個店長都好愛係真的。

我真係要畫畫,又話做嘢,跟住寫咗咁多嘢,又要諗吓聽日點pack for a long day (開會要帶啲畫,但之後要帶sunscreen swim suit notebook, pen, camera, towel ) , change reservoir for medical machine, 然後我諗諗, why not just read now.....and slowly  fall asleep and wake up at 5 am 痴線,好好笑。

Tuesday, August 24, 2021

花灑

游赤柱和大浪灣其中一樣最正嘅嘢係那個太陽滿滿的outdoor shower.   

其中一天跟兩位大美女作家一起去赤柱,忍唔住感歎the outdoor shower is part of the JOY! 

跟住嗰晚有個朋友就自己喺度同我講佢好羡慕我哋游水呀,啲水咁清。
但又列咗好多樣佢唔鍾意游海嘅原因(over the  years 都聽過佢講好多次)

- 唔鍾意鹹啦
- 唔鍾意個public beach shower!!
- 驚掂唔倒地

其實我都好明白㗎。
因為我細個都唔鍾意沙灘,唔鍾意游海。
起初游海同游open water 都會驚,喺london 第一次游river thames 之前嗰晚仲瞓唔着。
但每一次衝破咗一個心理關口,就會開闊一個更大嘅世界。
有信心做以前以為自己唔得嘅嘢。

我絕對唔係天生游水/或者係游海嘅人。
從來都唔係校隊,中學都會唔想上游水堂。
但到依家(上周 )游海都會有陌生人話嘩你游得好快 hahahah

同埋大個游得多先明白,同一日,唔同方向唔同時間嘅海都會有唔同水質,好影響成個experience (so 可能我或者係驚游海嘅你,無經歷過最靚最好玩嘅海only) 

總之總的來說,我又唔係天生sporty/adventurous 嘅人,但只係有一個比較勇於嘗試嘅心態。

不過我啲屋企人就好adventurous, which i have mentioned before, 十一二歲出來工作,每天特登行路上山回家作鍛練,在工廠工作儲夠錢,幾兄弟姊妹就一齊去大陸行山旅行,坐火車半夜去到新疆,到依家都係咁,在印尼浸山中泥槳或者係在南極跳海游水,會買單程機票,去山區旅行很久,住很醜的路邊旅館也可以。
所以我細個都有跟各個屋企人行熱帶雨林呀,成日住啲無沖厠厠所,坐火車去老撾,坐火車去雲南,爬過泥濘的高山..... 在風暴中划艇..... 
爬地洞...
在非洲睡二戰時的軍人tent, 起來有小鹿在門外.... 
我媽咪有時會話一定係細個嚇親我,我依家唔想再去呢啲trip...

我細個每次trip 都會做scrap book, 依家都仲有留低  :P ha ha ha 

喺話自己做唔到乜乜乜/或者唔適合做某樣嘢之前,我都會試多幾次先下conclusion, (當然都係有啲嘢試咗真係唔適合嘅)Just wanna say, 希望我哋都可以不斷break 自己imagine 嘅框框, enlarge 我哋嘅boundary. 

Monday, August 23, 2021

念力

收到朋友仔嘅message 真係好開心嘅事。
今日就收到一個,我哋本來唔認識大家,但分別都去了Kajeng 的鋼琴演奏會,係十分十分之magical嘅晚上,
演奏會完嘅時候已經一點,問吓同場有無人一齊要share 車,所以認識了 Pink : ) 
我好肯定佢全程仲係沉醉緊喺KJ 嘅音樂之中 :P 
之後收到她的message,她又買了我的畫和繪本 : ) 
緣份和念力都是好東西!

得她同意下 repost 她的post : ) 
知道自己很多年前寫和畫的繪本,能夠安慰一些人means soo much to me, 好多謝會寫返message 俾我嘅人,我也會跟我的編輯分享 <3  

「宇宙待你很好之信念創造實相又一例證!
大約兩個月前心血來潮想換掉家𥚃其中一幅畫,但一直未遇上另一心水畫作。

月初時,有幸成為KJ演奏聚會的坐上客(超級開心🤩🤩),由於演畢後已是夜深,準備call車回家之際聽到有其他參加者發出邀請可一起夾車過海,一問之下原來係同路南區友!
一路上我心情仍在又夢幻又眼瞓的狀態下,迷糊地交換了ig以便聯絡付車資給對方,記得當時同路人一句對話係「瞓醒先,聽朝先算」

第二日回魂後馬上pm對方⋯⋯方才發現(手心出汗ing兼哇哇哇😳😳😳😳😳) 原來同路人就是本地畫師貓珊!!!!

緣份總是奇妙的🌿

上年Ryan離開之後幾個月,有次閒逛誠品時被一本深藍色封面的兒童繪本吸引書名「我們的風景系列 最後的告別」,細膩溫柔的畫風把香港街角的細節一一呈現在書中,加上造型可愛的狐狸先生與失去爸爸的小老虎⋯⋯看著看著心中離別的情緒透過緩緩眼淚舒發出來,多謝繪本作者貓珊隔空給予安慰的擁抱。

貓珊Connie除了繪本外還有其他作品,於是遇上了心頭好,牆上可以有一新氣象了😚

傳送門:
https://www.etsy.com/hk-en/shop/maoseasidestudio」

Wednesday, August 18, 2021

山氣

山氣逼人的造書小組
今日係造書小組double celebration 午餐,扮去了意大利(現在在香港一律都要扮去旅行)但今天這裹有大落地玻璃和好多好多植物,十分之開心。
雖然坐在優雅嘅意大利餐廳,但我哋一定好嘈,同埋散發住來自山同海嘅氣息, 巴不得下午不上班就去海裹去玩。

有一個好瘦嘅同學仔Yvonne 不停話要減肥。
一個casually weekend 都環島跑嘅同學仔Dr. K 話自己依家好廢,唔係成日跑咁長途。
一個浪漫派耐心花系劇團女孩,係呢本書嘅幕後功臣。
今日睇咗本書嘅dummy, 真係好靚呀,突破大家對呢類publications 嘅想像 cannot wait to get the real thing!! 裹面都好靚㗎。

Birthday Girl Yvonne 係我2014 年識嘅朋友,被佢訪問過兩次,一次係金鐘啦,一次係寫信!(所以其實我同yvonne 都可以加入浪漫派)
當時認識佢已經係跑緊長跑。 

佢哋好快又去kayak喇, 聽佢哋講 yvonne 有兩個朋友都會去,dr. k & friends 初初好質疑呢兩個人掂唔掂(因為佢哋成日去啲trip 都好瘋狂,又過夜,又長途,風暴雷暴黃雨都唔取消咁) then yvonne said, 嗰兩個朋友,以前有自己艇同埋跌咗落水,都隨時游到18 km omgg, 呢啲人好crayyyy 

仲有好多神奇故事,例如山中移動牆壁厠所咁。

我有時游水無乜動力,或者想skip pilates class 嘅日子都會諗吓呢啲朋友仔。
每個人都有自己羡慕嘅人,同埋嚮往嘅事;有啲人可能想買到某個手袋,或者係古董;或者係想做好出名嘅人;我潛意識其中一樣好想做嘅嘢,就係可以跑多啲同埋游多啲.....
或者好羡慕人哋可以咁。不過我嘅進步真係好慢好慢。
At least i tried.... 
可能我都有啲人哋羡慕嘅嘢.... 

我要重點講吓dr. k 同埋yvonne 都係用zip lock bag 做銀包,dr. k 嗰個係biohazard specimen bag, 佢哋話要防水喎..... 

本書, It's about all the collaboration between the medical institutions / hospitals and the community, so to reduce re-hospitalisation and improve quality of life of different vulnerable/ sick people in the community.

This one is Island East specific (which includes all the small outlying islands)

The collaboration include working with NGOs, patient associations, schools, religious institutions, outreach nurses and doctors, establishing call centres, working with GPs, district councillors, developing district patient support etc.

It's a topic I am very interested in as well (well, partly as a junior patient myself! where do you seek help, where do people seek help and support etc.) (p.s. 你今日做乜話呢個唔係我passionate about 嘅題目,呢個係我十分十分之passionate about 嘅題目呀)

Kept thinking how much effort people put in, and also pondering whether each of it works well.

Monday, August 16, 2021

清澈

去完一日大嶼山已經好累喇。
大嶼山嘅山係特別茂盛特別綠㗎。
我哋不停扮自己喺日本,睇住天空由暴雨變天晴然後又晴中雨,最後就係清澈嘅大藍天。世界處處都受天然和人為的災害摧殘 : ( 心裹面都好想係撐過去 遠地會綠油油,但現實好像係history keep repeating itself :S

上次跟基金會去大澳已經係去年十一月。上次我們參觀當地藝術家畫室,為他在灣仔進行的展覽傾細節,一年過後,展覽已經完成。而龍窯認識嘅朋友仔都成為基金會的同事,多神奇,跟我一起玩水彈琴。

大家坐了
擼 - 以前大澳的漁民家家戶戶都有一架搖擼,就是沒有摩打的船,好像劍橋punting 那種,舊式的是木造的,得到Ms. Wu協助,大澳也保育了一架,我們今天還撐了。手撐的船,感覺真的很不同,又寧靜 又無汽油味,能跟天地萬物更親近。

我是超喜歡撐船的,在英國讀書的日子,實在是撐船比讀書多,我們總是戲言,若果找不到工可以回康河撐船賣雪糕,也不是說笑的,我們都撐得很好的。

上次在河邊蘇廬咖咖店,碰到stella 姨姨!實在太瘋狂了,怎麼去到大澳都會有人叫我,而且我們素未謀面,不過是IG上的朋友。

我們也探訪了流浪貓之家。把上周在藝想畫的花燈帶去,九月就會有花燈節喇。

周一的長沙沙灘都咁多人,好想落水玩!

Ms. Wu 也私人資助了水牛婆婆的工作,也多得A, 才能促成這麼多好事。
A也是大澳人(今次不肯定能不能說出來,驚驚,但都是好人好事呀)她爸爸和公公都是那種,有人問佢借十蚊,佢會借十一蚊那種人,不要求她讀書好,只要求她做好人。

當我還是很細個很細個時,便有幸跟她們到內地農村的projects, 她們私人資助的project 由校長培訓,農村學生醫科獎學金到建設大學圖書館也有;就是那時去內地,也看見聽見很多瘋狂的事;後來她們,一而再,再而三的在內地捐款項目裹受了很多氣,受騙,現在就沒有再做內地的項目了。

於香港,也支持了很多十分之好的projects, 由智障人士藝術, 生死教育、以至本地復耕、出版,動物保育和大學的基建研究等也有。

大嶼山真的很美
(p.s. 可以睇上期being hong kong XD ) 

Sunday, August 15, 2021

畫框

轉眼已經八月中,很快,秋天就會來對嗎?

我好喜歡畫框這樣東西,年初我們花了很多時間找畫框。我終於找到了。
You know one of my friend who is a depressed architect, 試過返工返到想跳樓身,在香港做商業性質的建築師沒有太多設計可言, 但他很享受手作,喜歡木工、攝影,也抵得住悶,其實佢唔係我識嘅唯一一個朋友係咁, 但當全職攝影師很難賺到錢,我認為佢應該考慮成為一個framer ah, 我相信佢都會好enjoy, 依家好多framer 都好老了。
做framer 型過做飛機師囉。

不過,我床邊有個畫框, 人人都讚靚,好多人IG 問我喺邊度買, 其實係吉之島十二蚊店, 但嗰度只係第一個係靚,大家唔好太大期望. 

Saturday, August 14, 2021

菲林

這是去年夏天拍的一筒菲林相。
相中喵喵去年很病,人家遇上lower urinary tract問題,好像人類生飛滋般,七至十四日怎樣都好了。他卻病足七個月。
一點都沒誇張,看見他病,會半夜喊痛一兩小時,上厠所幾十次卻痾不出來,或者有血,真的很痛苦。
不同醫生都看過,最後還要動手術。
我說過很多次,但自己的貓狗病真的比自己病痛苦很多。

剛剛Cary 問我貓病慘啲定狗病慘啲。
應該是一樣咁慘。在貓貓病之前,我們上一隻狗Rosie 也病了好多個月。
喵喵是在Rosie 死那時就開始病了。

Rosie和小草都是來自繁殖場的狗媽媽,一生都在又髒又臭的小籠裹,跟自己的屎尿同眠,被用作生育。
誕下的孩子被拿到平日旺角銅鑼灣那種寵物店賣,每隻都不便宜,他們卻會在不能再生育時像垃圾般被拋棄。Rosie那時連續七個月,差不多每個月一次seizure,持續幾秒鐘到幾分鐘。出現四肢滑水症狀,同時可能出現精神錯亂或失去意識、牙關緊閉或用力咀嚼、流口水、無意識排尿及排糞等症狀。

所以,有時聽朋友的動物病,朋友的孩子病,都好戥佢哋可憐。
昨天問病童媽媽,那麼經歷這一切大痛苦(孩子大病、動手術、要辭掉工作全職照顧她)當中有沒有什麼是因禍得福的東西?
她斷言說沒有。
(我覺得是因為暫時都在適應的時候,所以未覺得有,但將來很可能會發現有的)
(陳Nick nick 小隊長說得超好,不一定要從衰嘅circumstances 之中,spin 什麼positive 的體會出來,辛苦就是辛苦,慘就是慘) 

不過因為自己病;或者自己當動物義工,和自己動物的病的原故,時不時會有人跟我講起佢哋嘅故事,或者問獸醫嘅問題,我覺得對我嚟講都係好事來的。

希望大家,貓仔、狗仔、人仔都身體健康。

一直很喜歡看其他人拍菲林,真的很美,但從來沒有打算要買部相機,多得好朋友借了相機加半筒菲林給我。拍了十多張相,卻等了一年才把它沖印出來。
超感謝其中一些說喜歡我拍的相的人,包括見山Sharon 和 ___. 我沒有特別打算要開發拍攝這個興趣, 因為必定會愛上 hahaa (對很多東西都有這種想法,因為知道自己必然會愛上)

Friday, August 13, 2021

心臟

我今日見咗一個朋友嘅朋友,聽咗佢嘅故事。

好想可以做啲嘢幫佢。


她於兩年前生了一個好得意嘅女,但到七個月時一次高燒,發現她患了一個十分之罕有嘅heart defect. 

Anomalous left coronary artery from the pulmonary artery (ALCAPA) is a congenital (present at birth) heart defect in which the left coronary artery arises abnormally from the pulmonary artery.

要做open heart, 手術,但因為之前七個月個circulation 都錯了,雖然做了手術但部份 heart tissue 都壞死了, 現在每天還要食四次每次五粒藥. 

當時住了醫院幾個月,要用feeding tube 餵食,BB 時全身都插滿線和喉

佢哋兩夫婦都無返工在家照顧小朋友。

但savings 都快用晒了,社工卻說他們不qualify 住公屋。

因為之前這些事情,現在發展比其他同齡小時慢,還未懂得說話或行路。

But i think more than that, it's just mentally very draining for them both, 外邊的世界無人明白,媽媽本來是一個對很多興趣,做傳媒工作的人,後來於倫敦學插花,但過去一年基本上把所有時間都花在湊小孩子和覆診等等。當然也會令夫婦關係時不時有緊張的時候。

BB 住醫院的四個月,每天也要去,自己不去的話,沒有人會有時間慢慢幫她餵食,結果常常嘔到一身都係。

面上tube feeding 的膠布,要peel off 時留晒血都照會peel. 

媽媽說,因為自小在接受種種治療的原因,今小朋友十分之驚人, 令呢對爸媽跟世界越來越遠。

after hearing her story makes me really want to cry, not because i feel bad for her daughter's unknown future etc. 

but more for how lonely and difficult it must be for her parents (the caretaker)

佢應該crowdfunding, 我話無理由無人suggest 過。

but i understand how it's hard for her to 

1. have time to organise

2. 佢未衝破 到要開口問人幫手呢個心理關口. 

不過我明白頭一年都係好困難,it's the phase you need to accept that "lost" and "new norm" 社工/其他罕有病患嘅病童家長話,通常要三年時間才會好一點 。

(well given if your kid dun have any new serious worse diagnosis)

醫生說現在都是邊食藥,邊做training, 再觀察看看。

照顧病童真的很辛苦 ,但她的女兒樣子十分之可愛的,希望一切會變好吧。

Sunday, August 8, 2021

彈琴

昨晚去了家正的private concert, 我覺得文字形容唔到有幾正,索性放棄。
不過好像去了另一個空間,實在係太難得嘅experience. 結果香印提子和海膽whiskey 都係其次,鋼琴才是重點。
他怕彈Hammerklavier mvt 3 會悶親我哋,明明大家就超鍾意喇。
我旁邊嘅小朋友仲聽到喊。
彈了四個幾五個鐘,真係好痴線,由相愛很難、新世紀福音戰士到Schubert, mozart 乜都有 :P 

佢問我哋覺得佢彈乜嘢最好聽,我講咗我認為嘅答案,佢話錯, 「我彈乜嘢都咁好聽」typical 黃家正答案。
但當藝術創作工作的人,當然也要喜歡自己嘅work la, 就算知道自己有好多不完美同埋進步空間,但有某程度上喜歡自己創作/演奏都應該係正常,咁所以有啲人或者覺得佢好傲慢,但如果連自己都唔鍾意自己嘅嘢,仲做嚟做乜。

我記得門小雷有個post 類似係話 artist 都會期待快啲畫完做嘢嘅畫,然後就可以休息
(而休息都係畫畫,就係畫自己想畫嘅畫)so true. 
還沉醉在音樂的世界未瞓醒。