Sunday, June 26, 2022

沐浴

小草, 山貓, 水龍 . 來一起沐浴森林

 尋日又去咗龍虎山,今朝又去咗龍虎山。

遲啲仲會有龍虎山環境教育中心chapter 的動物嘉年華, 事實上做咗咁多次animal carnival 真係每 一次都有啲唔同。七月龍虎山同埋Kadey Jadey 繪本書店嘅兩次都希望小朋友可以穿成不同動物出席!


你知唔知成日喺港島夜晚行山都會見到箭豬一家。

但龍虎山 night cam 曾經影到過一段箭豬用長長的鼻去吸個鏡頭嘅片段,係我最深刻同最鍾意的,所以我打算扮箭豬。唔知大家又會扮啲咩呢?


(喺我講今日十分之開心嘅Carnival of the Animals 之前等我講吓 龍虎山環境教育中心先)

話說有好多人都唔知呢個咁靚,又對外開放嘅地方嘅存在。

而且佢已經有百幾年老


去年嘅呢個時候,佢哋即將要launch 新一個campaign - 「身森一小步」

Forest Bathing + Exercising in the country park 的系列。


就係因為咁,當時我就幫佢哋畫咗唔同嘅嘢,而又因為covid, 呢啲咁正嘅活動都係近日先真正launch 到。


當時我有幸可以感受一次完整的森林浴,就在這間小白屋山後的一帶,一起靜落嚟,感受大自然。

那天超熱,我們差點想取消,但最後大瀑布小溪旁玩水超清涼,Joanne 還在袋裡取出一個teapot 在溪邊泡茶給我們!!


而我近日亦都成日去呢間白色小屋,係因為同佢一齊curate 緊佢哋嘅小小常設展,仲一齊做石頭添。

============

而近日去除咗可以睇Ayumi 嘅展覽,仲可以攞呢張「身森練習紙」


要好好感受大自然,有時只需要10-15分鐘。

找個看到天的地方,看天看雲15分鐘~

找一棵樹,坐在它身邊,好好感受純粹坐着的感覺~

中心準備了一共7款「身森練習紙」,希望俾少少靈感大家,在日常生活中,可以點用10-15分鐘,享受大自然。


7款練習紙分別由貓珊、含蓄、All Things Bright and BeautifulThe Weird ThingsUUendy Lau繪畫。大家可以將日期印上練習紙,提提自己,每月的那一天,要去探訪大自然。然後,用色彩記下你每月的一小步。


練習紙只在中心免費派發,每次只派一款,先到先得,派完即止。想要多幾款,就要行多幾步,來多幾次龍虎山探我地喇~

Saturday, June 25, 2022

噼嚦

我今朝同藝想的家寶講起,竟然有多個一個差唔多可以話係我嘅好朋友話唔知乜嘢係「藝想」!!!


搞到我要深切反省,可能因為佢哋都係2019 後先識我,2019 年我跟藝想合作做灣仔地圖同埋電車站時,喺IG 介紹過藝想好多次,多到我都想殺死自己。


不過今次也讓我reflect 一下究竟我想人哋知道嘅係乜嘢。(不過一觸及乜嘢係藝術呢啲題目就會令我好頭痛。我truly 鍾意community art, 同埋相信藝術本質係連結人,唔係淨係拍賣行好貴嘅先係藝術,但我好唔想拎呢啲嘢出嚟講 :P

expensive piece of art 都可以好膚淺,而所謂community art 都可以好發人深省。


🦊藝想是一個已經喺香港二十年的陶藝工作室。

藝想的成員主要都是智障 intellectually challenged 或者是自閉的成人(不是小朋友)

我們稱他們作師傅仔。


他們好多都一直在藝想做泥做了五年十年。

藝想 不是一個庇護工場。


他們會請有名的藝術家們跟師傅仔進行長年的合作,為師傅仔build portfolio, 也會接commission, 而且他們的作品也曾展出於很多reputable 的本地和國際展覽中。


我諗如果唔係有藝想(或者類似嘅programme) ,呢班自閉或者係智障嘅師傅仔好難有這種機會去發展他們的藝術才能。


🦊 但亦都因為有藝想, 透過藝術,連繫了他們跟社會大眾。

🦊 其中一個我好喜歡的故事是//37歲的許家豪,先天性中度智障、加上出生時被臍帶勒至腦缺氧,只會發出簡單音節,平日大多以點頭、手勢、單字與人溝通。

7年前開始在社福機構學習陶藝。


他的父母一直覺得很難進入兒子的世界,直到看到他的陶藝作品...


雖然沒有靈活的舌頭,他卻有一雙靈活的手。

有一間房子,四四方方,有前園、後園、陽台、樓梯‥‥‥機構裏沒人知道為甚麼家豪有這構思。直到家豪的父母見到,發現作品上每一個細節,竟與以往他們一家住過的房子一樣。再看看他其他作品,突然見到了一家人去旅行時見過的建築,又見到了兒子以前喜歡的電視劇人物。誰也想不到, 30多年來的畫面,深深印了在家豪的腦海裏。//


🦊 而去年,我就同一班小動物同佢哋嘅主人一齊去咗藝想,同一班師傅仔做泥,最後仲將我哋嘅經歷印刷咗做一本繪本,其實都有啲似一本日記。

本書都幾靚㗎,仲係免費添,不過想大家都真係會睇同埋鍾意,所以要完成一個好小的任務先可以得到。 

Follow @ourstories.1260c to find out how!! 

👐🏼換領繪本:

日期:23-25/628–30/62/75-7/7

完成🍀小任務及👐🏼換領地點: 藝想展覽館

(灣仔石水渠街85號聖雅各福群會地下)

開放時間:下午1:00 - 6:00

Monday, June 20, 2022

安所

四腳爬爬的小孩和獨腳獸cello

平日大家聽Carnival of the Animals 這首歌,
估每一節是什麼動物都是用耳聽和用口估,
但剛剛這個周末的小朋友卻是,
全身趴在地上
模仿起來。
扮魚兒wiggle wiggle,
用四隻腳爬,扮高腳鹿,創意無限。

已經不是第一次做「動物嘉年華」這個工作坊了,但每次,在不同地方,跟不同小朋友一起,還是充滿未知和驚喜的。

剛剛這個周末,我、小草、kilian 和他的大提琴一起去到位於深水埗的社創項目社區共享會所「安所」,謝謝她們邀請,這裡一年到晚都有很多有趣的活動,我和小草也曾經去過分享動物領養的重要性。

他們也有一個專讓「弱勢兒童都可以接觸藝術」的計劃。
邀請有相同理念的資深創新教育工作者,為基層兒童提供最頂尖的藝術學習機會。

至於我們這個嘉年華工作坊呢,原意都是讓小孩子可以用另一個角度認識音樂。

好多小朋友自小學樂器,但忙住考級練scale,也許沒有機會真正欣賞音樂,auramusic 希望小朋友和大人都能把音樂連結到生活。

而我哋嘅動物嘉年華工作坊呢,今個暑假仲會有兩次
本周日(26/6) - 於上環太平山街 stainplus 咖啡店,就在見山和郁鍵旁
七月尾(30/7) - 於觀塘海濱繪本小書店 Kadey Jadey

Thursday, June 16, 2022

夜油


今早put together my lesson plan thoughts, wrote out the outline, it still "surprises" me that after teaching same class for fourth time (each time is around 3 months?) so the fourth time repeat right)

我依然係每次,都仲係由頭再plan 過個班,由頭再整過啲slides,but good thing is many books i scanned already.

 

Bright side 係,意味生活仍有很多有趣創作事,想跟同學分享,有不斷反思;不好處就是要花多點時間準備。 

例如我們上堂在街上跟陌生人談天畫畫。夜油油。

You know when i taught the FIRST batch 繪本班in 2019, 係我第一次教嘛,唔知其實同學仔幾歲(十八到六十都有)對出版/創作/畫畫有什麼程度的認識,當時我成日同佢哋講,唔好急住去做一本書,可能要花好多年先會做到一個好嘅故事,要經過好多練習同嘗試。

同埋我認為編輯的重要性。(當然無必然的答案,例如這個年代internet 也可以是一種selection) 

但昨晚的戲也真切地描述了,編輯/印刷廠的專業,是我們不能replace 的。

同埋,我編輯(即是你)以前成日提醒我, 不 要 辜 負 樹 木。

昨晚的戲也十分之能夠illustrate 呢個point, 現在印嘢真係太容易。

(我昨晚去了看m plus cinema 看了森山大道紀錄片《過去常新、未來總是回顧》)

昨晚的戲不止是關於森山大道的攝影,也起碼有一半是關於造書的。

由個北海道大雪中的樹林開始影起。

鋸一啲好高的樹,洗木,重工業,都幾震憾。

寫在攝影邊上 FB 的intro 很好//電影觸及一些即使攝影人亦未必知道的攝影書出版流程,例如選紙及打稿;我觀看的一場,當觀眾聽到設計師決定以三色印刷黑白內頁甚至發出笑聲。電影亦理所當然的觸及他的摯友中平卓馬,他們識於微時,上京後亦經常一起由青山開始喝酒,喝完走到黃金街再喝。電影從造書切入,講述他的創作哲學及經歷,立體地呈現了森山大道這個人。//

雖然書是黑白,但他們調黑色油共調了149 次。

在1000 克中加多5 克白咁....

雖然throughout 個造書process, 森山大道都係去答吓問題,無參與造的過程,但你睇到造書人無因為咁就hea 做,, 直到最後森山先生上去睇製成品,佢成朝都勁緊張。

看着也很想念我在日本的創作家庭,森山先生已經八十多歲,但仍每天都在街上跑跑跳跳,好像田島先生一樣,而他們都是有認真的時候,有搞笑的時候。

(ok 我離題了)

但turn out 第一個班的同學其實好多做開創作。他們畫畫都好靚。

And you know another realisation i have from these four batches of classes, 呢啲學生裡面嘅作品,好多仲好過街上書櫃上出版了印好了的故事。

所以being an adaptive me, 我就說少了這種話。

不過也有一啲班,時不時會pop up 市場的問題,但我總覺得呢啲係創作的obstacle 來的

反而啲同學好purely 去講自己的故事,什至無做開創作的,往往反而有驚喜。

(不過一邊睇戲我都想,那些日本攝影師是如何維生的,就算你較年輕有名,但不代表賺得足夠)

說回我教的班,例如有個二十四歲的女孩子, 男朋友去旅行時意外地被浪捲走了,她想做一本繪本送俾自己給男朋友their mutual friends

有個三十歲未夠嘅女仔,想寫返breast cancer 真實的經歷,諗嘅過程故事仲係好factual,但真係做出嚟個end product 其實好creative

好像Ceci 畫香港街景,但其實係暗藏香港少數族裔的故事(門口貼的揮春,掛出來的衣服) 

每個同學的都很好,所以最好係你自己嚟睇成品展,秋天又會再有,唔會浪費你時間, worth your time. 

we all wish our artists have pure hearts throughout their lives, 但其實真實嘅artist 都要做好多好多paperwork 同埋無聊生活瑣事

and btw, 我搬了新屋嘛,有個大書櫃,但我想說的是,  i find my bookshelf VERY useful, NOTTT decorative, 每次教班我都會拎好多唔同書出嚟,坐巴士去佐敦... 我個書櫃十分之好。

p.s. 我仍每天都在病 XD(還有很多要努力的地方)
但又每天都有很有趣,令靈魂躍動的事情 XD 好contradicting 

Tuesday, June 14, 2022

水上

今朝跟藝想嘉寶做另一個project planning!! 佢又問我「識唔識睇中文」乜料!!!我不止識中文還打在倉頡啊, 她才是打速成 (唔係扮鬼妹,但時不時有人問我識唔識中文...) 


「我們的故事 ()」這個兩年計劃都快要來到尾聲,我好幸運在頭兩年和這兩年都有份參與!


藝想是一個主要以智障和自閉人士/的成人組成的陶藝工作室,不是庇護工場,他們都是認真而且專業的藝術家,也會在本地和外國展覽。


我們一起做的繪本今周就要印好了,想起合作快要完結就傷心,怎料,現在又有機會再合作,而且不是我們自製的機會,而是別人(誤打誤撞)把我們放在一起,還在我最愛之一的一區,關於香港 人最愛的食物和故事;還有地圖,還有師傅仔,還有onebite, 如果一切順利的話,還有一個好搞笑嘅名。


oh but i wanted to say, 今日一去到藝想師傅仔就不停問「狗狗呢」「我哋本書印好未」不過由頭到尾都係問我「狗狗呢」


還有今天嘉寶正在關心一個肥肥師傅仔的小腿幾乎發黑的事。說實在的他真的很胖胖,性格很外向,很多話說,但聽說不太願郁。


腿病了,聽說也有社工跟進,但聽說是頗複雜的事, i wonder 是因為醫療制度的複雜,還是其他原因。(我以前也畫了一大系列的書,跟智障人士解釋去醫院時會遇見的情況;因為有時他們去到太怕,結果什麼checkup 都做不到,就被送走了,然後下次再被送院時情況已經太壞..... 過了可以改善問題的critical time,他們都會病會老呀) 


不過我看這個師傅(可能不夠三十歲呀)如果真的要減肥,最適合的該是 water aerobics, 叫他游水也是unrealistic 的。


來到這裡才是重點 ****我想講嘅係喺冰島 、日本、德國等

每朝個泳池都會block 起俾老人家做呢啲運動*****

我知因為我去旅行都會天天去當地的泳池游水。


不過我喺堅尼地城游泳池都見過啲老人家做but in a much smaller scale, and HK 嘅醫院都有,但真係極少,唔係普及。

呢幅畫就係講呢樣嘢,原來當年只係寫過英文 !


老人班的 火車捐山窿

在堅尼地城游泳池,有五位老人在做十分之可愛的水中運動,所有運動都不用把頭放進水的,只用站在水中,例如

- 圍圈,一起打側行(因為有水壓,行要用多點肌肉的力)

- 水中香蕉跳 (把兩手放在頭頂,把小鳥拍翼)

- 一個肥伯伯做得不太好,只好以笑遮醜,另一個老人支持他(但做運動本該這樣呀,充滿歡樂又互相支持)

- 老人家們站成一直線,向前行,向後行,雙手做火車捐山窿的動作



其實我都去過一些私人辦的aquatic exercises 班,係幾事半功倍的,也有水底hold weight and cycling etc. 不過要maintain 一個池實在太貴了,唔知香港會唔會有天好似外國咁普及。


講緊係新潟十日町咁偏遠都一星期三周公共泳池有呢啲班俾市民喎。

Wednesday, June 8, 2022

four of my good friend's dog/cats died recently

and all of these human and animals had quite special stories.

其中頌華那隻貓貓已經病了好多年,本身頌華都好特別,是作家也是瑜珈家,又很博學和有趣的,可能是某些身邊的 freelancer 仰慕對象,她以前做過香港歷史導賞又做過,人權相關的工作,雖然是讀法律;但之後就成為了lonely planet 作家很多年,才成為了獨立作家。

她是誤打誤撞接收了人家兩隻唐貓。

但其中一隻痴得佢好緊要,頌華在家中練習時,隻貓係會even downward facign dog 都坐在她背上,長期要痴實她。

但其中一隻貓仔病了好幾年,又像淋巴還是癌,又thyroid 有問題,甲抗還是甲亢,又成日便秘,成日要帶佢落街睇醫生,有時又會病到唔郁。

我總覺得呀,看着動物一直suffer,成日差啲死又無事真係好 tiring, 不過佢隻貓都唔後生。

同埋養貓養狗的人,就算平日好像十分理性,看破紅塵的人,到最後都時不時都唔理性,想用盡一切辦法想救佢。

(我都好明白)還有有些主人隻貓都十七歲仲希望佢會長命多好多 :P (我都好明)

我又諗起明慧隻三隻腳狗狗jasper

如果去到天堂遇到其他動物的對話。

其他動物會好羡慕佢,有一個好屋企。他的爸爸媽媽都愛他,家中有厚木和深藍色的牆,爸媽也帶他去公園玩,家中又有貓,有東西吃,有得去散步,他喜歡散步,也帶他去藝想見其他disabled 的人類。

但兩個醫生都說他每一步都是痛的。

作為人類要為一隻(雖然個樣好累,但總算看來頗正常的狗,決定做人道毀滅真的很不容易)(同埋令我想起每個死亡故事都好唔同,好多老人家都只係存在,they dun feel much anymore 但一直都「死唔去」)

(又諗起我的小rosie, 平日都好好的,當然一個月一次大大的seizures 是顯然有大問題)


但他們都經歷過好像活在地獄或集中營(or at its best prison )的慘況

Rosie 是繁殖場狗 (一隻狗因為neglect deform 了,所有牙都掉了)

Jasper 在北區的村中被車撞跛了腳但村民拒絕帶他睇醫生,過了很久才被人救了,所以得三隻腳)

我覺得他們都經歷過很不好的事,找到了幸福。

應該好多好多人死時都同時thankful end of torture, 但依然有留戀的事情的。

仲有我上次喺good good 讀了「我的小小朋友」的繪本給phoebe 和lidi 睇,然後就上菜了,其實那刻她們倆都無乜表情和反應,但她們之後都說很喜歡這本,和差點哭了,pho 說想起她的表姐。

(是另一個方式看死亡和死神的繪本)