Sunday, October 17, 2021

怪談

 作家怪談 - 100 個關於作家生活的FF📚
昨天,曉薇講到自己真真正正創作的日子,經常處於一種緊張狀態,睡得不好,半夜扎醒,思考某段係唔係咁寫。

她每天返完工後(是全職中學老師,工作很繁重)
夜晚七點至十點坐在自修室裹寫作,足足一整年。

而當全職小學老師的家盈同曉薇都話,
寫作係一個要好discipline 的活動,扭毛巾咁。

她們都分析,版稅以後,其實作家只靠寫作係賺唔到錢,
所以好少人真係全職做作家。
(但佢哋都鍾意自己嘅全職工作)

我細個都有諗呢個問題,究竟創作咁少錢係唔係UNFAIR ,作家嘔心瀝血去寫或者畫,佢哋嘅作品更有機會流芳百世,滋潤人心,在絕望困境之中為人帶嚟希望,亦可能把人連結,家盈說到自己所寫的,亦曾啟發其他人踏出夢想的第一步。

(朋友N: 搵錢既野,無話fair 唔 fair
我: 對 根本無fair根本無得計 掃街仲辛苦
但寫作逐個字計的少錢,係真係可以好少)

而所謂全職做創作嘅人好似我, J, mozart 咁,
其實都要靠教學生,做workshop, 接其他job 來幫補 :P

或者像(我不開名的)某香港男作家畫家,娶了個可以養他們的太太 :P

有人會說,當作家得到的名氣、滿足感,就是你的回報。

但我認同,想創作/寫作嘅人嘅desire 係bigger than life, 係你不可能不做/不把它完成的。

曉薇上個講座時已說到寫《秋鯨擱淺》時,感覺這個故事比自己生命更大,是一種感召,那段日子連過馬路都很小心,覺得要寫好才可以死。她兩次都咁講。

我想她們原意想解答有意從事寫作的人的問題。
也談到出版社與編輯的角色,十分之有趣。
不過,巧合在場觀眾要不是已在出版寫作界,就是來朝聖的;
而唔係想出版的。

不過這些關於作家的FF實在太過有趣了。

曉薇寫的是小說,家盈寫的是較像紀錄報導的書。
八年間寫了三本關於香港書店的書,走訪每間書店,是十分之珍貴的紀錄。

她說看到香港書店在這段其間的變化,以前就算上樓書店,都沒有店員來跟你介紹書本,現就有了不同特式性格的書店,書店間更會互相幫助和支持。

曉薇亦說到從個人層面來說,面對極度絕望的社會環境/ 世界,寫作是消化和make sense of the world 的重要方式(超認同呀,我唔寫嘢瞓唔到覺,你哋見到啦)

*這個超重要的問題* 就是遇上"kick" 的位,我同佢都係要靠regularly 做運動,完全放空這個重要部份!!其實有本書係講好多歷史上有名嘅創作人都有每天散步放空 - 風雨不改的習慣和ritual. 某次我跟我某(生活比較混亂的)exbf 講起有呢本書,佢話「係你信嗰套」 XD

她 說 很 多 時,跑步之後,就會(才會)想到係應該點寫!
我都常常說,經常叮一聲嘅moment 都係游水時發生的。

完成一個重要的作品,過程中反覆審視/正視自己內心的聲音;
那種滿足感是購物/食好多餐好那種活動不能帶來的。


創作嘅過程真係時不時充滿不安和未知。
世人對創作人有很多幻想或誤解。
創作人自己對自己有很多懷疑。
但我依然每天都很感恩,there’s no other job I’d rather do

也很thankful 香港有她們和其他創作人

No comments: