Wednesday, July 31, 2019

做夢

二零一九年七月三十一日,有四十四名示威者因為七月二十八日晚上在中環及上環一帶示威被捕,今日上裁判法院,最年輕的只有十六歲。其中一對情侶當時正在幫助一跌倒的女人,亦被拘捕並控以暴動罪。
而在一星期前,元朗一大批懷疑有黑幫背景,穿着白衣的人士,持刀及竹枝在地鐵站裏無差別打人,卻仍未有人被起訴。當晚全港市民打電話要求警員到場制止白衣人,但警察足足遲了三十九分鐘才到場。
今晚我們討論到香港現行的法治仍能保護我們嗎? 
大家都說已經崩壞了,N說「你要警察拉到人,法庭先有得審,警察無拉白衫人,法庭都無辦法彰顯法治。」
以前最多擔心被捉回去四十八小時,現在可能真係會坐監。千祈不要以為我們沒有想過。
我認識一些人輕朋友,例如來LAP做intern 的小朋友,感覺有點串,做animal shelter 其實幾辛苦,要不停執屎,佢哋有時會黑面。但其實他們十分好心地,我跟他們一直有聯絡, 當時我還未收養Rosie, 她自己都沒有想過自己會成為前線的前線,(被人以pepper spray 當面噴)我識唔止一個所謂小朋友,自己都無諗過自己會走到最前的.....
佢哋在自己instagram 都瘋狂求大人罷工,當然無乜太多大人follow佢哋個ig. 未被世界污染的年青人,雖然好似好串,總係未瞓醒咁樣,會唔準時,但心地很好。 
我諗,唯有記住,要保存一夥有希望的心,作最壞的準備,盡力,可以失望不能絕望,及記住自己有可能幫到嘅嘢,唔好因為覺得乜都做唔到而成為犬儒,及記住路很漫長,不會一天成功的。
仲有一個小妹妹 我一直翻譯新聞俾佢聽,雖然她是在港長大的少數族裔,但不懂廣東話,正在讀大學,不是會問我發生了什麼事,「我不知道昨晚又發生了事呀」。
她剛告訴我 "Tomorrow will be my second supply drop! Dropping off some clothes and medical supplies, mostly gauze and bandages" 無論佢嘅supply係有用定無用,我都感動到嘁。她告訴我,不是因為你,我不會知道這一切。
H: 係,我最怕既係今次一完,無係咩结果,會有好大反差,完全死寂
Me: just like 佔中2.0 唔使怕 一定會
W: 唔駛怕 一定會?
Ms Maoo: of course, that's what i feel. but will still keep trying, 唔一定係見到希望才做。 我覺得只係漫漫長路一部份。但世上沒有什麼是絕對不能動搖的。

No comments: