聽來是一個常規的秘密讀書會，有lecturers，有學生，但頭四十五分鐘都在等同學買食物來，老師說每次都係咁，但唔係一般的買食物，有沙碢雞、咖哩、薯條、牛角包、雞翼、薯片好多。
也是第一次去讀書會，學生是85% 男 15% 女。
還有一個同學是半讀半耕，拿了自己種的生粟米來分享，後來仲有同學飲醉。
次次讀書會都讀到十一二點。
但同學的討論也很真摯和認真。大家都講出自己的想法什至不安。
想不到作者本人一來就講咗好多好多。
我都算認識作者，但第一次聽佢咁樣講嘢。
因為呢本書係一本十分之易讀的書 - 見山第一本出版的小說《單人床》，好多人什至會抱住「係一本愛情小說」「係甜故」「躺平」之書的想法去讀。
我去讀書會前也故意重讀了一些舊訪問和書評。
作者本人也是說「近年社會情況令人窒息，逗到人笑就ok 」
好多好多人，包括這班同學一開始都把focus 放在「是不是作者的真人故事」、「點解想上床永遠上唔到」，「係唔係逃避現實」呢啲points。
坊間又好多傳說話作者係見山最靚仔店長等。
當大家都講緊佢係咪溝女王、耍廢；作者一開始就講自己對經典文學的熱愛和自小的文學訓練，他如何舖排每個故事，以各個與北京人、蒙古人等映照香港人identity。
作者一生都在反覆閱讀紅樓夢，講到自己書寫女人唔多唔少受紅樓夢影響。
其實本書係真係好搞笑的，但你無可能閱讀唔到佢想講呢啲嘢。
亦都有提到佢點解選擇「以小說為方法」去explore 香港人身份，而唔係學術理論。(尤其他作為朱教授的大愛徒）
又講到十分之影響他的香港文化，例如林振強、金庸、王家衛等。
記得我2021 年寫過呢本書的書評：
//去旅行時常會遇上不同人，每次開場白提到「你是中國人/日本人/台灣人嗎？」的對話，身為香港人的，總要解釋一番。
我自身就有很多這種經歷。
雖然主角反複提到自己是一個對政治無興趣的廢男，但每段旅遊中邂逅，每段上班紀錄，都訴說着一點香港人的身份和特性。
我最喜歡烏蘭巴托那一段，以為自己睇緊武俠小說。
他的文字偶爾有點像黃家衛電影中的旁白，
有點村上春樹的寂寞。
大家都提起有丘世文和陳冠中的影子。
但是相比以上所有的更簡樸，有更多留白的思考空間。
就是那種沒有書寫哲學但卻令人想起人生問題的感覺。
整本書最不像其他部份，又很深刻的，是周而復始每周都去公共圖書館問同一條問題的伯伯，有天突然不再來之後的那段，主角寫到香港這種退休人士、流浪漢、學生、長者、阿文、阿芳、在政府前線做外判的員工、清潔工 - 被剥削得體無完膚的人 ，讀歷史有學識卻要被訓練成不可以答工作範圍以外的問題的公務員...
主角想到這種有熱誠卻被剥削的「普通人」的氣憤。
「可能你現在也會有點氣憤，本來想說看看故事打發時間，最後居然要聽我批判社會，好像看鏗鏘集一樣。非常抱歉，不知為何，總是講兩講就情不自禁，要發洩一下。其實講故事就講故事，講什麼狗屁大道理呢.... 」
其實由始至終都不止是講故事。
好像香港人的人生，本來只想過普通日子，做個不理大事的平凡人， 但根本不可能。//
我哋又講到廣東話嘅精妙，亦有好多關於廣東歌的討論，及後一九的各式壓力。
昨天重新討論書中圖書館伯伯的部份。
我們都知社會上有好多這種例如失智症的人，或者是清潔工等等。
老師Maggie 說到，我們好多時話想幫嗰啲「低下階層」嘅人，其實是不是偽善呢？
因為制度還是在搾壓他們。另外，也有好多人很容易看低什至連望都唔望嗰啲低下階層的人。
又例如，有時啲人覺得大學生半農半X 就好型，一個阿婆阿毛在耕田就唔型咁。
但書裡面形容嗰一個角色，並唔係以為他申怨或者是煽情的眼光。
除咗話對contract 工的氣憤，但其實亦都係好巧妙地以有距離的方式去「看見」了一個平日被brush away 的老人，平日我哋會立刻話「香港好多呢啲人啦」咁就算。但書中用了不少文字去觀察這個伯伯。也沒有下評論，只是形容了他反覆來圖書館問同一條問題。
另外，我覺得可以寫到一本短但又grasping, 又放咗好多elements, 但又有娛樂性，又唔煽情，一切都淡淡的但令好多人都話忍唔住要一次過睇晒嘅書，必定係要好深的功力。
嘉俊話，enjoyable是首要consider 的factor.
如果巧合你睇到佢其他想講嘅嘢, then it's great, but if not, 你睇完本書又享受，佢已經覺得係好開心。
No comments:
Post a Comment