如灣

Junior Patient Diary 

因為一些十分之silly的小意外, on my side, 就成為了好大的意外。犯了些只有chronic illness patient 才會發生的錯，昨天起床覺得好唔舒服，起初都好struggle去唔去醫院，因為又唔係無咗隻手無咗隻腳，雖然我知道the potential seriousness of the situation- 血液變酸，嚴重的話器官會抗議，會昏迷、什至器官衰竭，但不知怎的還是覺得自己都會搞得掂。但最後還是去了家附近的QM。

Triage station的護士手腳好快——總覺得做A&E triage係咪要識晒所有嘢——佢即刻幫我帶手帶及送咗我入房 XD（not a good sign right）跟住啲醫生就話太嚴重，照咗肺、做咗ECG、抽咗血，話好嚴重，要入ICU。ICU醫生也來了看，我話我不要呀，去internal medicine ward就OK啦 XD

其實這件事我以前已經試過一次。姑娘後來告訴我，有些人不用等十二個鐘無藥，近日有個女孩三個鐘無藥就已經失去consciousness了——但我還是好精神 XD 特登過來探我的karen菇娘話可能因為我「年輕力壯」，笑死，她還過來探了我兩次 >.< 跟住就吊咗兩條水同藥，好麻煩，字都唔係打到太多，不能逐一回覆大家，請見諒。

不過有窗邊位，好舒服。

直至醫生護士又過來抽血之前，這裡的vacation vibe實在太強——如果不是因為住院，大概根本不會有機會可以就咁躺著甚麼都不做（係個性問題，因為我的工作都好好玩，未起床已經想着怎樣做）

除了抽好多支血，中間仲有好多大小驗血，有人推X-ray機過來照，有醫科研究生過來問可唔可以做voluntary experiment，也有醫科生過來「溫書」，自己也要做一些紀錄。

病房裡的各式各樣也很有趣。看著姑娘同埋physio照顧其他病人，對面床有個老婆婆看來好可憐，基本上都無郁過，又要胃喉，啲手腳瘀晒，但都會痾啲好臭嘅屎，看到都辛苦。

另外有個看來是輕度弱智的女孩子，成日周圍去騷擾人，又去幫助人，仲幫各人收餐——莫名其妙地可愛。

聽說我隔離床的婆婆會打人，試過潑滾水落姑娘度。但這兩天心情極之好，跟護士常常講笑。

當然也有那些不停大叫的病人，身上好多傷口……

醫生和護士們都好有耐性，真的。

病房裡遇上那個女孩，讓我想起幾年前為聖雅各福群會畫的那幾本書——專門為智障人士而設的生死教育教材。
今早護士要幫她抽血，要花好長時間輕聲細語地請她不要郁動。看著看著，突然很真實地感受到，原來我畫的那幾本書，在現實生活中真的會有這種事。

書裡有一章，正正是關於智障人士如何面對入院和醫療程序——因為對他們來說，醫院是一個陌生而令人害怕的地方，有時因為太驚，反而未能完成檢查，什麼都做不到，最後被送走。如果下次再入院，已經是很嚴重的情況，情況不能逆轉了。
所以有好一點的預備，真的makes a big difference。

又見到啲醫生都好sweet, 有個醫生知道某病人要discharge, 之後病人返嚟複診未必會再撞到，所以特登過來say 聲bye
嗰個病人要化療，醫生叫佢要肥返啲先
同埋可以以後有咩問題直接搵佢
仲問佢有無信仰，要唔要見院牧

我以為今天可以出院，但醫生想我留多一天，睇定啲先。佢話尋日真係好危險，只係我好得快而已。但仲有第二啲指數睇埋先咁。記得上一次住咗成五六日，但上一次仲嚴重好多——無諗過會有第二次……

又要喺啲好古怪嘅位置抽血（因為正常位都有斗或已經抽過）。

很期待回家見小貓小狗，小草見只有阿康回家我沒回家表現得好忐忑 。還期待游水和玩

謝謝魔仔宅急便送來太平山街的美食，還有各位朋友的祝福和message.
啊。Health is a crown that the healthy wear on their heads, but only the sick can see it.

If I have to say why such careless accidents happened, I’d say maybe 我已經是太有經驗的病人，有時一切都好自然（當然都會好多daily struggles) 有時忘了某些部份都不覺，我以前常常寫Junior Patient Diary, do you think I shd be promoted to writing Senior Patient diary now? Or maybe Intermediate Patient diary?

仲有我要畫埋那本書！！