Friday, July 10, 2020

砵甸

前天畫過龍躍徑終點 - 大浪灣,昨天就畫起點- 小西灣;真巧合呀。
Dragon Back 咁出名,其實呢條沿海嘅trail 都好靚㗎,仲好易行添。
我爸媽有朋友以前住大浪灣,每天行路出去小西灣揸的士!
又記得有人說自己以前住香港仔,每天攀山經灣仔峽到灣仔工作,oh maan, 怪不得以前啲人唔使做Gym.

昨天早上畫砵甸乍山 (pottinger peak) 望出去的風景,想起香港第一任港督砵甸乍,以前我哋office 其中一個restoration project  係中環嘅French Mission Building, 而FMB前身曾經係佢屋企。
當時做呢個project, 差啲要借啲意飛去英國Public Record Office 同埋法國Société des Missions étrangères de Paris 個Archive 搵資料。外方傳教會在法國有好完整的檔案庫,存有當年香港神父跟法國總部的書信。

他住在炮台里的紅磚屋(現在長江中心後面,成日塞車都會見到㗎呢)時,曾經被打劫,所以決定要成立警隊。
又想起當時地庫係酒窖,據說外方傳教會投資有道,他們在香港的建築物全都有好大個地下酒窖。
講咁耐幅畫根本唔係畫嗰度,係維多利亞港嘅東邊入口,小西灣同埋對面嘅將軍澳。
聽說小西灣以前是英國情報中心,是遠東最大規模的情報中心,八十年代後才變成一個住宅區。

幅畫係有人特別訂製,送給即將離開香港的朋友的。這是他們家後的行山徑,充滿一起共渡過的許多愉快回憶,相信他離開香港後都會「掛住」香港。

順便post 了咁多張以前份工嘅相,你知嘛,以前份工是修復古蹟,成日去啲荒廢咗好耐嘅建築物,又多cockroach 又熱又多蚤,但還是我真心喜歡的工作。雖然離開了那份工,後來在動物機構當義工,每次new intake 還是又熱又多蚤 :P

No comments: