書館

今早跟swimming buddy yvonne游水游到一半，「不小心」講起其中一樣我最鍾意嘅嘢！差啲太興奮游唔落去。

是圖書館，swimbud在港大教creative writing, 平日天天在Music Library 裹工作，我問她為什麼不去Medical Library, 然後就講起圖書館（笑）

圖書館is such a good thing! 以前在中大工作，我們要用好多張碌碌椅做trolley，去architecture library 借書。因為我哋老闆也有教fine art, 所以我們也常要去新亞圖書館去借書，有次借了太多書，抱住啲書我就會好開心，那個圖書館理員說，像你這樣是很幸福的事, yes i agree!

And of course we better not start talking about the libraries in Cambridge, 雖然劍橋有好多古式靚靚harry potter style 圖書館，但我最鍾意其中一個比較新，木建的，有一個三角型位置伸出河中，舖了淺綠色的cushion, 河就在你身下經過，可以在那裹曬太陽，看游客punting 半天。

但去得最多嘅係Asian and Middle Eastern Studies嘅圖書館吧，其實平平實實嘅圖書館先做到嘢，否則太多distraction. 其實呀，Education faculty 的圖書館都超靚，因為新，又半沈在地中，所以桌子一直延伸至出面的綠油油草地，明明我嗰科係Edu 的，但因為太遠所以較少去。

至於最大嘅大學圖書館，係一個又凍，又肉酸嘅地方，我當時係咁形容佢：「天氣不似如期，每三十分鐘變天，五月飛霜、冰雹亂墜後，短暫藍天照亮不了集中營般的監獄(aka UL)牆壁傳來怪聲(像一輪通往太空的電梯，忘了下機油，卡着不上不下，書架間的電燈計時器亂響，十五分鐘倒數完畢便會啪一聲把燈關掉。還有那古舊的鐘，一分鐘一跳，字數增長跟秒速不相稱。不得不覺得這裹是haunted。」

在我日常生活嘅靚圖書館也包括UCL人類學圖書館，因為好朋友@misslittlelime 在倫敦，我特地申請了UCL 的圖書證，風景超好，綠樹滿滿的。

有一段很長的日子，我每天早上都會去City Hall Library 圖書館畫畫，應該係香港嘅最愛。另一個最靚最靚當然係我哋以前嘅office 啦。

好喇，游完水，寫完呢啲古怪嘢，要乖乖畫畫，下午還要去開會呢。

下次不要跟我說起圖書館了，令我太excited XD 

所以啊，去旅行去睇吓圖書館同泳池是很好的活動。