小銀

安息吧 小銀斑仔
今天收到很好的孩子- 阿飯嘅電話，她在小村的路中心，見到一隻躺在地上，可憐地求救的貓仔，只有掌心大小。幾天前，這隻貓貓還跟媽媽和其他貓仔被鎖在一個路邊室外籠中，當時她不以為然，以為有人照顧，怎料今早只剩下一隻在路中心頻死的樣子。
我們一起去了獸醫，但他實在太小太不適了。
小得連抽血都難。
雖然，做動物義工經常會面對死亡，但依然會感到傷心。
另一個義工又提起 「啊，你家金貓貓，當年不也是跟媽媽和弟妹困在一個室外籠嗎？」被偷出來時全身濕晒，病重了。最後也只有我家肥金仔一隻生還。
小銀斑仔，在短暫嘅生命最後都有感受到一點愛，是有名有姓地離開的。
我還幫他想好了下世投胎去邊了，因為他太細個，行都未識行。
我以前在日本也出版過一本書是關於斑紋小貓小B的書。由我姨好寫關於她的貓。
她走完人間的道路後，在天國開了一間形象工作室- 「小虎妹形象工作室」幫助唐貓唐狗們設計好形象，來世再去地球時，會找到一個好嘅屋企。
那本書因為太多字（不是繪本，屬於有畫的小小說）所以在香港只有家寶一個鍾意，編輯說香港無人會睇咁多字。
http://www.maoshanc.com/p/view-on-scribd.html
可憐嘅小生命，在彩虹橋另一端不用再受苦了。
有些幾經辛苦 ，才能去到一個好家庭，成長起來的動物仔，他們都是珍貴的。

一年

明明普普通通做人已經夠累了，自從去年開始，大家的疲累有了新definition。怎麼過去一年嘅事都還那麼歷歷在目，想起還是會心跳加速。
在自己居住的城市，發生着一些以前從來無想像過嘅醜惡事、不公義、令人痛心、事非癲倒的事。好像這幾天充滿歪理的法庭判詞。
一年前的這個時候，有些人可能覺得，這麼多人走出來，大概可以改變到什麼吧；雖然知道真正的改變不會太快，但也沒想過extreme 嘅壞事反而escalate 得咁快。
追求公義與自由的信念可能會有動搖嘅時候，會有懦弱嘅時候，有需要休息嘅時候，但不會隨便輕易被吹滅的。尤其如果大家在這個艱苦漫長嘅道路上能夠互相守望。不要慣。
Today marks the 1st anniversary of the biggest protest in Hong Kong history. Two million + one, out of 7.4 million Hongkongers came out to march.

好書

今早跟朋友說起，我不止一次聽見我編輯在我面前時跟別人講「貓珊這本書這樣那樣不夠好🤣」
當然我一點不介意，什至覺得這是很好的事，因為我自細睇咁多繪本，當然知道有幾多幾好幾勁嘅作品，同埋一本好書可以有幾好。
能夠有一個出版社，一個編輯跟你一樣，不計時間成本，把「最好的」看成最終目標，應該覺得難能可貴才對。
也不怕跟大家說，書店的確有好多繪本係浪費了樹木的生命的，會看壞人的。但不可以因為咁，就把自己的standard 降低。
稱讚很容易得到，在香港，連把追尋夢想當為工作也會被捧到上天。
為什麼要做「最好的」，不是要拿文學獎。是因為一本好的書，什至無目的的，也能讓人找到安慰、共鳴；有目的的，或許可以讓人認識以前從來沒有想過的東西，又可以引起人思考。可以讓小孩子什至大人，切身處地咁明白到一啲好似好遙遠嘅議題。
昨天雅文也說起，好多、好多家長，都來找她推薦書，又會問呢本書睇完會學到乜。他們都想要那種講明睇完本書會有什麼效果嘅書，如：讀完這本，讓小孩子學懂XYZ三種美德的書。但一本好好嘅書通常都唔會當着你的臉說這種事 :P

我在身邊嘅人眼中做書已經好慢，關於動物保護那本書，我用了一年brew個idea，寫和畫了一遍，放低了幾個月，覺得不夠好，再重寫了整個故事再畫過一遍。
我身邊嘅朋友成日問點解仲未做好，點解你仲做緊呢本書，我們的慈善機構中的人，更直情係覺得求其都要快啲出咗佢，不能再等了。
但同雅文合作閒閒地一本書要做四五年。當年「最後的告別」可以拖了四年才出，其實係因為贐明會根本放棄咗我哋，人都換晒😹 所以木棉樹差不多可以話係純藝術純文學性質的。也是有點瘋狂。
但同時，我又覺得我啲香港朋友好過份，印書好似食生菜嘅態度係錯㗎。
不過理想世界中就係小眾題目（如種植呀、殘疾呀、動物又好、各種平權又好），都能找到全人類都能感應嘅切入點，一本書只係夠靚係唔足夠的。 呢個係我哋會以一生努力嘅目標。

我有時會哭，不是什麼大悲傷的哭，只係覺得我就係屬於無才華那種人，雖然我其實都係嗰啲自細讀書好不錯嘅小朋友，但絕對唔係乜嘢聰明或有才華嘅人，但我亦一啲都唔介意（因為我知道一個人要做到想做嘅事，需要好多好多factor 加埋才可以）

現在想來，我自細就在做兒童書，大約二十歲時我阿姨看我的畫都是一臉覺得「不好」我想是因為未有經歷的成熟； 但又失去了小時候嘅童真。
但我也沒有感到太大錯折，因為連我自己都覺得「不好」要天天練習和研究。不過也從來無諗過要做第二啲嘢算。

研習

今晚會係第四堂繪本研習班。
頭三堂介紹嘅繪本都好認真。
我諗起以前讀大學，去巴黎，最深刻嘅回憶就係去書店。
法國嘅繪本無論故事和畫風都跟美國英國的不同。
我諗起十年前去越後時買了五十幾本書...
但我好滿足。
我諗起去年在日本做十年展，我是十一年前認識十分有名的繪本家田島先生；那天個talk 佢講到「呢個好嘈嘅女仔」（即係我）「竟然（在日本）遺返規矩，執意要每天回到繪本美術館去拖地和畫畫」（本來應該每天去不同藝術家處工作）

今天的課要做一個大嘅warm up exercise. 雖然會講吓點畫一幅畫，不過我覺得重點係「其實我每畫一幅畫前都好似其他人咁會覺得 - 唔會畫得好/我會畫唔到」然後，開始了第一兩天也是覺得，畫得很爛，但就只要堅持畫埋落去就會變好了。
第二就是，有天有個朋友跟我談起，有好多議題都好有趣，問我她該做什麼好；我覺得呢，一定要做跟你有心靈感應嘅議題啦，就算畫畫都係；如果只係畫一幅風景係無意思的啊，如果你無實際去認識過那個地方，如果那裹沒有感動你的東西.... 那不過是photocopy~

發現有啲好出名嘅繪本，都未必係個個睇過，這完全不是問題，那不就是來對了地方嗎。也有一個應該係年紀最大嘅同學仔〈第一堂課帶了一本好傳統（較為說教的繪本來），她有點害羞想把那本書收起來。
有一個做藝術書出版的同學，每次帶來的書都好靚，像藝術書多於繪本，但也是無所謂的，因為無strict definition的嘛.

第一堂課講了大概乜嘢係繪本，探討了係唔係只係小朋友先可以睇繪本？
- 分享了 Rosie's Walk (Word-visual interplay)
- 森林大熊 （繪本可以探討的議題, 這個是環境/城市發展有關的）
- 「我吃拉麵的時候」 和 「花奶奶」（和平與戰爭的)
- 同埋keep sketchbooks 的重要性

第二堂講咗乜嘢係storyboard
- 同學做了一啲日常生活小故事嘅六格storyboard，大家講的故事都好有趣，在別處記下來了
- 講了點做Rosie & Ted 故事書嘅過程
- 也講多了少少啲圖畫書嘅形式 / size 有長好瘦展現天空好高的；也有打橫好闊的，每頁都像鱷魚咁長的/use of white space/colour
- 一起讀了：挖土機年年作響 (Special form and hidden message)
- 也讀了：Rose Blanche (War and use of colour)
- 還有：熊與山貓 (Bereavement, and use of colour)
- 故事中嘅故事e.g. Anthony Browne Into the Woods

第三堂
一開始做了一個自由畫嘅 warm up exercise, 發現大家明明畫畫都不錯
- 說到小朋友畫畫
- 從日常生活中取材 （及畫地圖）abstracting things from what u see
- 一起讀了 因為同學問到是: Goodbye Grandma Erma
- 也讀了：從山裏逃出來 Environmental & Form of pic book
同學嘅 booksharing 亦好有趣
有想畫山同學 : 帶咗 夏日的一天，寂靜山徑的呼喚，
有南北韓小朋友嘅故事，同埋一個潮婆婆嘅ABC book，有治療心靈嘅
- 也一起讀了：和平是什麼 （也不一定係一個/有主角的）

本來第四課是想說這些的，但也很想講bereavement books, 不過可能那要第五堂課才講，真貪心。
無論如何都會先有一個大嘅warm up exercise

因為頭三堂講嘅書都好serious, i mean they are all super good books. 今堂想講啲發夢，同埋無乜意思嘅書。
我已準備了十張相，是香港不同街道的風景，每人畫一份，諗吓今次要畫仔細啲，我覺得畫完一區嘅城市風景好似摸完嗰條街每一個block 每一個surface 咁。
然後呢，佢哋要喺另一張紙上面畫一個人（貼返上去）
然後就會做Chinese Whisper 嘅活動, 我會請Becky 話俾第一個同學知（一個文字description of 一條魚，第一個同學要whisper to second person and so on, 總之大家要畫返出嚟，（但不能偷睇鄰座同學）
然後就可以貼返落自己幅畫，- 然後將所有人嘅畫痴埋就會成為一本大嘅fold out book


其實我仲有好多好有意議嘅書想分享
- 好似講自閉小童的 （而且大部份嘅日本書都係好好的example of 畫畫不用精細唔使超靚的）不可思議的朋友
- 講動物保護的 奔跑吧，蘿絲
- 或者唔heavy 嘅 巴黎的獅子（勁嘢）
- 或者係The Arrival （無字書，上次叫他們回家找了，關於上一代移民嘅故事）
- 或者係獨眼貓

但喺無離頭故事中又搞笑嘅應該係十一隻貓嘅系列。

可能也會講吓在末日裹做繪本有意思嗎的問題？
- 呢個也是 雅文個訪問講嘅嘢
- 亦令我想起yvonne 講嘅嘢

哀歌

【繁殖哀歌】無牙甩毛困籠母狗瞓屎5年獲領養 成繪本主角鼓勵領養不購買 May 10, 2020

只要領有牌照，買賣狗隻在香港是合法的。不過隨着不少繁殖場被揭發，人們漸漸發現部份繁殖場有虐待動物的情況，狗隻受到不公平和殘忍的對待，身體上也有無可挽救的傷害，所以越來越多人鼓勵支持領養不購買，而Connie就是其中一個。

畫兒童書和地圖的畫家Connie，在一個本地機構擔任動物義工三年，一直都有暫託老狗、繁殖場的狗和幼犬，在機緣巧合下，遇到在繁殖場被救出的貴婦狗Rosie，本來只是想暫託和照顧牠，再為牠尋求領養的家庭，不過因為Connie的家人都很喜歡Rosie，最後Rosie就成為她們的家庭成員之一。
來自繁殖場的Rosie，由於成長的環境太惡劣，所以牠的身體有不少毛病。牠沒有牙齒，這是因為過往生育太多導致鈣質流失。而且牠前腳的骨頭變形，所以走路時身體會垂下來，而整條尾龍骨都是歪的。Connie表示，Rosie雖然樣子可愛，不過因為牠走路的時候會拐下拐下，所以很多有意領養Rosie的人因而卻步。雖然Rosie的身體有很多病痛，不過Connie表示牠是一隻很樂觀的狗，一回家就已經很活躍很愉快，好像變成另一隻狗一樣，帶牠到街上更是特別興奮。


因為做動物義工和養了Rosie的緣故，Connie得到靈感出一本講述繁殖場和流浪動物故事的繪畫書，以Rosie的經歷作為書的主題，繪畫書上有繁殖場的圖畫、寵物店的情況等，以Rosie的故事表達出有很多繁殖場的狗在沒有選擇下，可能大半生的時間都是在籠子裏生活，腳踩着自己的糞便和尿液，然後不斷生育。Connie表示希望透過這本書鼓勵人們不要買賣動物，即使是流浪狗、唐狗、繁殖場的老狗，牠們都值得擁有一個好的家，牠們也可以是很好的寵物。有人會說真是很想養幼犬所以選擇購買，Connie對此表示不認同，因為每年香港還有很多狗隻被人道毀滅，人們不應該為了養名種狗或養幼犬，而無視這些須要人領養的狗隻。


Connie擔當動物義工有三年時間，目睹不少由繁殖場救出來的狗隻情況，不少狗的牙齒都是灰色，以致所有牙齒都要拔掉，雖然Connie沒有親眼見過繁殖場內的情況，不過看這些狗隻的身體狀況，會知道牠們曾經有過不公平的對待，而通常被遺棄的狗隻都是全身糞便，可能是好幾年都沒有洗過澡，亦有很多是被人割了聲帶，這些不是一年見一次的事，而是經常都會見到，可見繁殖場對待狗隻的問題是多嚴重。


Rosie的出現令到Connie得到不少啟發，不過好的日子不是過了很久，在去年八月開始，Rosie突然有抽筋的情況，後來發現牠患上腦膜炎，Connie只是收養了Rosie短短兩年的時間，牠在一個半月前就離開了。她表示雖然只是兩年，但是感覺很充實，但當然每一刻都會覺得如果可以活得更長就更好了，她很慶幸自己是在家工作，可以花更多時間陪牠，即使日子不太長，都已經很滿足了。


Rosie的離世對Connie而言是很可惜、很不捨，但牠還是用另一種方式存在她的生活中，她指Rosie的精神留在這本書中，以牠的故事勉勵別人，讓人們知道買賣動物的殘忍，即使只是多一個人知道也是好事。多一個人知道，也就多一點一滴的影響。
記者：黃允鍶

獸醫

It was one crazy day, 小草 Grassie had runny watery poop for 3 days now, 所有人都認同要帶她去獸醫了。在獸醫碰到好漂亮的Hamish! 他是兩年前被遺棄在IFC 外一隻好瘦的大狗，當時身體很虛弱，又有心絲蟲，現被領養了，好漂亮。另碰見一隻剛被領養的poodle.
離開時，門外一位外籍人士一臉眼淚，抱住一隻poodle衝進診所，不知怎麼有點預感可能是我們/LAP 的狗，過了五分鐘就收到電話，是Dr. Andy 他說是我們新收的繁殖場小狗，極之漂亮的olive, 她去到獸醫後當場離世了。她可能是因為心絲蟲情況太嚴重，把心臟全塞住了，Foster 很傷心，我知她極之愛那小狗，雖然剛接回家（但好多暫託家長都會這樣）
這已是兩三天內第三宗未入診所門口就當埸死亡（這是從沒有發生過的密度） - 昨天Heart Murmur 五級，來自政府部門漁農署的Fraise； 來自繁殖場的chow chow BB 全身抽筋，被繁殖場丟掉，一進獸醫診所連安樂死針也不用打了； 之前來自漁農署的小狗Nanette (parvo)； 還有也是來自繁殖場的小BB Husky Norry（distemper) 兩隻都被「尷生」用刀拿了晶片出來（用作其他狗？等人唔知邊個繁殖場丟出來？）
雖然我們照顧的都是無家動物，但LAP的義工們事實上真的很愛每一隻，若他們病了也很願意花錢去醫；我起初也很驚訝。例如當年我暫託的三隻金色喵仔，他們的牙齒表示他們有三個月，但五百克都不夠，像人家一個月，差點會死，但LAP還讓他們每天打針，住氧氣箱，總之肥仔金阿喵就成功生還了。
今天也去了見山送貨，天氣很好，太陽閃閃發光，很漂亮！Sharon 常常給我看那些相片，是人們在書店外蹲下來仔細地看我畫的地圖！都說香港人很可愛。然後今天我又看了人類醫生。也跑了步，很眼瞓了。
小草只有2.0 kg 左右 但Rosie 以前起碼有2.7-3.0 kg! 幸好小草沒有什麼大礙，可能只是緊張而已。我有個好有趣嘅fantasy 故事好想分享。但寫得太多無人睇了。喵喵和小草的interaction 是好可愛的。
你們記得我最鍾意那個故事嗎？其中一個很好的foster, 曾經幫過很多有需要的小狗大狗； 有天打電話給我說問我可否幫她一個忙，她想要領養我們其中一隻貓，跟她十多年前家中的貓貓一樣樣，其實那喵真的很不幸，是虐打案，偷偷被救出來的，我們當然想這個家庭領養，但她因為「不想領養一隻一定很易找家的純種靚貓」而打算放棄，最後我和Ann 分別都叫她領養吧。
那貓回家後跟他們一家貓狗一起反肚睡，好像從來都住在那裹一樣。原來當年他們心愛的貓離世前，他們着他將來一定要好好排隊再作一隻黑白貓，回來我們身邊，相信他真的排了隊回來了。
所以，雖然我完全唔信呢啲嘢，我都覺得可能Rosie是靈魂找了另一隻繁殖場慘慘狗，想盡快回來我身邊，但她沒耐性，所以現在大小顏色都一樣，連眼睛tear stain 的一邊都一樣，但變成驚青妹，不過這次上天賜她有牙仔同埋四隻正常嘅腳，上次有三隻都唔正常。
Fantasy story 而已。But “We tell ourselves stories in order to live.”

小草

OMG this happened yesterday!!!
咁我咪話成日都有人問我要唔要佢哋隻狗（啲義工啦）咁前日又發生喇，係粗口婆婆，她問我要不要一隻剛被繁殖場遺棄嘅媽媽狗，我話唔喇，佢哋咁可愛，就算老啲，有心絲蟲都會有人要嘅。點知佢過咗一陣打俾我，話Connie 你不如幫我暫託其中一隻,因為佢不太好彩，又在籠裹一段日子幾次領養都不幸哋落空了，佢話你去睇吓啦！係隻白色的狗狗，又話你先帶咗返屋企先，就算自己唔要，都可以through LAP 幫她找家（見佢咁講）我就去咗睇，那個地方所有狗都在吠，就只有她不停震，咁所以我就心軟地帶咗佢返屋企！！！
但事情最奇怪嘅就係佢無論大細同顏色都同Rosie 好似（明明話佢係白色，但佢唔係囉，為咗驗証一吓，我幫佢沖個涼，但都係同Rosie 一樣淺啡色）！ 我知好多 好多 好多 人想找一隻跟自己以前嘅貓狗一樣嘅貓狗，上周才有一個；Phoebe, Fanny, joanne, 隨便都想起好多。但我從來沒有這樣想過，又不信投胎； 另外無論個樣幾似，其實都不會是以前隻狗！！！但當你唔想時就會偏偏遇到這種事。
雖然樣子好似，但性格卻不像。她好像經歷過被人打或什麼可怕的事，回家後仍在震，然後好慢好慢咁爬進我懷裹，頭躲進我的心口，但不敢坐低。
她鬆鬆的毛下只有骨，一點肉都沒有，又不為食，肚子跟Rosie 一樣是無毛的，看見青筋，有點像我阿婆隻手啲皮膚。
不過我都未必一定要佢嘅，只係我阿媽好似覺得我哋已經領養咗佢！
呢件事好瘋狂呀，好似plot twist 咁呀！
同埋我都唔急住搵下一隻狗，我諗住等吓先，可以幫一啲最有需要（而自己又能夠幫到嘅狗）可能係有啲physical disability 嘅唐狗。
不過我真係好鍾意好鍾意Rosie，我鍾意佢每一個部份。但好鍾意rosie 都應該可以幫另一隻狗及被另一隻狗幫嘅 （全人類的糾結）其實一定係貓狗幫我多過我幫隻貓狗。
OMG, 成件事好abnormal 呀，好像平凡生活泛起波瀾，但其實生活幾時平靜過。
我心裹面雖然都好開心，但係都好想殺咗我自己，同埋驚我身邊啲人都想殺咗我，因為每個義工嘅home-space 都係好珍貴，有時有啲難啲rehome 嘅狗都係要靠long-term 義工adopt 如果我唔好好用我個quota, 可能會浪費咗！
不過有好多人安慰我話呢啲係緣份，Anna 話係「另一隻狗仔天使來了你的家」
仲有，有啲人已經收到我寄俾佢哋嘅書，估唔到佢哋好鍾意（真心估唔到，因為咁educational, 未必個個都鍾意㗎嘛）so touched so touched you guys like it. Laurie 話「I cried more this time. Even though 最後的告別 I cried too. I miss little rosie」係Laurie 喊定係佢人類喊呢？